បាត់ពីប្រព័ន្ធតាមដានដល់ពេលរកឃើញគ្មានសល់
ខេត្តព្រះសីហនុ ៖ រថយន្តកុងដឹកទីន័រ១គ្រឿងត្រូវបានគេប្រទះឃើញប្លុងចោលនៅចំណុចបញ្ជាបង់ប្រាក់ជញ្ជីងថ្លឹងរថយន្តអូចំណា
ខេត្តព្រះសីហនុ ៖ រថយន្តកុងដឹកទីន័រ១គ្រឿងត្រូវបានគេប្រទះឃើញប្លុងចោលនៅចំណុចបញ្ជាបង់ប្រាក់ជញ្ជីងថ្លឹងរថយន្តអូចំណា ស្ថិតក្នុងភូមិ-ឃុំអូឧកញ្ញ៉ាហេង ស្រុកព្រៃនប់ ខេត្តព្រះសីហនុ កាលវេលាម៉ោង៦ទៀបភ្លឺ ថ្ងៃទី២៣ ខែកក្កដា ឆ្នាំ២០១៧ នៅតាមបណ្តោយផ្លូវជាតិលេខ៤ ចន្លោះគីឡូម៉េត្រ១៩៧និង១៩៨ ។ រថយន្តដែលត្រូវបានប្រទះឃើញនេះពាក់ស្លាក់លេខ ភ្នំពេញ 3A-2365 ពណ៌ស បើកបរដោយឈ្មោះ សុះ រដ្ឋា ភេទប្រុស អាយុ២៤ឆ្នាំ ស្រុកកំណើតឃុំកុមារាជា ស្រុកបាទី ខេត្តតាកែវ និងទីលំនៅបច្ចុប្បន្នភូមិសិរីមានជោគ ឃុំកុមារាជា ស្រុកបាទី ខេត្តតាកែវ បានរត់គេចខ្លួនបាត់ ។
តាមប្រភពពីសមត្ថកិច្ចបានឲ្យដឹងថា ចំណោះករណីនេះត្រូវបានកំណត់សង្ស័យពាក់ព័ន្ធករណីលួចដោយវះទូរកុងតឺន័រលូចយកសម្ភារ ។ ក្រោយពីកម្លាំងការិយាល័យជំនាញ និងគណៈកម្មការធ្វើការត្រួតពិនិត្យសម្ភារខាងក្នុងកុងតឺន័រឃើញថា សម្ភារត្រូវបាត់បង់ទាំងអស់ក្នុង ដែលសម្រាប់នាំចេញទៅក្រៅប្រទេស ។
សូមបញ្ចាក់ថា រថយន្តខាងលើត្រូវបានបាត់ពីប្រព័ន្ធតាមដានរបស់ក្រុមហ៊ុនក្រោយពីចេញពីភ្នំពេញរហូតធ្វើឲ្យខាងក្រុមហ៊ុនតាមរុករកហើយបានប្រទះឃើញនៅចំណុចខាងលើ និងបានប្តឹងសមត្ថកិច្ចចុះធ្វើការរហូតដល់ពេលរសៀលទើបឆែកដឹងថា សម្លៀកបំពាក់នៅក្នុងនោះទាំងប៉ុន្មានត្រូវជនសង្ស័យគាស់ដឹកចេញខ្ទេចគ្មានសល់ ៕
ចែករំលែកព័តមាននេះ