រាជធានីភ្នំពេញ ៖ បុរសម្នាក់ត្រូវជនបង្កយកកូនសោម៉ូតូចាក់ដោតជាប់ក្បាល បង្កឲ្យមានការផ្អើលឆោឡោ បន្ទាប់ពីជនបង្កជិះម៉ូតូបុក មិនមានរងរបួសទេ បង្កឲ្យឈ្លោះប្រកែកវាយតប់គ្នា កាលពីវេលាម៉ោង0៧យប់ ថ្ងៃទី២៣ ខែកក្កដា ឆ្នាំ២០១៧ នៅផ្លូវបេតុភូមិព្រៃទា សង្កាត់ចោមចៅ ខណ្ឌពោធិ៍សែនជ័យ ។
រាជធានីភ្នំពេញ ៖ បុរសម្នាក់ត្រូវជនបង្កយកកូនសោម៉ូតូចាក់ដោតជាប់ក្បាល បង្កឲ្យមានការផ្អើលឆោឡោ បន្ទាប់ពីជនបង្កជិះម៉ូតូបុក មិនមានរងរបួសទេ បង្កឲ្យឈ្លោះប្រកែកវាយតប់គ្នា កាលពីវេលាម៉ោង0៧យប់ ថ្ងៃទី២៣ ខែកក្កដា ឆ្នាំ២០១៧ នៅផ្លូវបេតុភូមិព្រៃទា សង្កាត់ចោមចៅ ខណ្ឌពោធិ៍សែនជ័យ ។
ជនបង្កត្រូវបានស្គាល់ឈ្មោះ ស្រុង ភេទប្រុស អាយុ២៥ឆ្នាំ មុខរបរកម្មកររោងចក្រ ស្នាក់នៅផ្ទះជួលភូមិព្រៃទា សង្កាត់ចោមចៅ ខណ្ឌពោធិ៍សែនជ័យ ជិះម៉ូតូម៉ាក ហុងដាឌ្រីម ស៊េរ៊ី២០១៦ ពណ៌ខ្មៅ ពាក់ស្លាកលេខ ភ្នំពេញ ២FT-៧៥១៤ រត់គេចខ្លួនចោលម៉ូតូបាត់ ។ ចំណែកជនរងគ្រោះមានឈ្មោះ ស៊ាំង សុវណ្ណារ៉ា ភេទប្រុស អាយុ២០ឆ្នាំ មុខរបរនៅផ្ទះ ស្នាក់នៅផ្ទះជួលភូមិព្រៃទា សង្កាត់ចោមចៅ ខណ្ឌពោធិ៍សែនជ័យ មានស្រុកកំណើតនៅស្រុកអង្គរជ័យ ខេត្តកំពត ។
តាមប្រភពព័ត៌មានពីមិត្តភក្តិជនរងគ្រោះ មិនប្រាប់ឈ្មោះ បាននិយាយថា នៅមុនពេលកើតហេតុ ពួកគាត់មានគ្នា៣នាក់ បានដើរចេញពីបន្ទប់ជួលរបស់ពូជនរងគ្រោះ ហើយបានជូនមិត្តភក្តិម្នាក់ទៀត ក៏ទៅបន្ទប់របស់គេ ខណៈពេលកំពុងតែដើរ ស្រាប់តែមានបុរសម្នាក់ និងអ្នករួមដំណើរម្នាក់ទៀតបានជិះម៉ូតូ ហុងដាឌ្រីម ទៅបុកជនរងគ្រោះមិនមានរងរបួសទេ តែបានជជែកគ្នា និងវាយគ្នាមួយប្រាវ ត្រូវបានអ្នកឃើញហេតុការណ៍ជួយឃាត់ បានស្ងប់ស្ងាត់ទៅហើយ ។ លុះមួយសន្ទុះក្រោយមក ជនបង្កខាងលើ បានយកកូនសោម៉ូតូទៅចាក់ក្បាលជនរងគ្រោះ បណ្តាលឲ្យជាប់សោនឹងលលាដ៍ក្បាលឆ្កឹង ធ្វើឲ្យមានការផ្អើលឆោឡោ ។
ប្រភពដដែលបានបន្តទៀតថា ខណៈពេលដែលជនរងគ្រោះ ត្រូវជនបង្កយកកូនសោម៉ូតូចាក់ជាប់នឹងក្បាលហើយ ជនរងគ្រោះមិនមានការភិតភ័យទេ បានដេញវាយជនបង្កវិញ ទៅមករហូតមានអ្នក ឃើញហេតុការណ៍បានជួយឃាត់ដោយសារតែឃើញកូនសោជាប់ឆ្កឹងនឹងក្បាល ក៏ត្រូវជនបង្ករត់គេចខ្លួនបាត់ស្រមោល បន្សល់ម៉ូតូមួយគ្រឿងនៅកន្លែងកើតហេតុ ។
ក្រោយពេលកើតហេតុ ជនរងគ្រោះត្រូវបានបងប្អូនបាននាំជនរងគ្រោះទៅព្យាបាលនៅគ្លីនិកឯកជននៅជិតកន្លែងកើតហេតុ តែដោយសារជនរងគ្រោះរបួសធ្ងន់ធ្ងរពេក គ្លីនិកឯកជនមិនហ៊ានព្យាបាល បានបញ្ជូនឲ្យជនរងគ្រោះ ទៅព្យាបាលនៅមន្ទីពេទ្យព្រះកុសមះ ចំណែកម៉ូតូជនបង្កខាងលើ ត្រូវបាន សមត្ថកិច្ចយកមករក្សាទុកនៅប៉ុសិ៍នគរបាលរដ្ឋបាលចោមចៅ ដើម្បីរងចាំភាគីចេញមុខដោះស្រាយ ៕
ចែករំលែកព័តមាននេះ