ដឹងហើយថាវាខុសច្បាប់ តែនៅតែប្រព្រឹត្ត
ខេត្តកំពត ៖ ជនសង្ស័យជួញដូរ និងប្រើប្រាស់ថ្នាំញៀនប្រុសស្រីចំនួន៥នាក់រួមនឹងវត្ថុតាង
ខេត្តកំពត ៖ ជនសង្ស័យជួញដូរ និងប្រើប្រាស់ថ្នាំញៀនប្រុសស្រីចំនួន៥នាក់រួមនឹងវត្ថុតាង ប្រើប្រាស់គ្រឿងញៀនត្រូវបានសមត្ថកិច្ចការិយាល័យប្រឆាំងបទល្មើសគ្រឿងញៀនស្នងការខេត្តកសាងសំណុំរឿងបញ្ជូនទៅតុលាការ បន្ទាប់ពីជនសង្ស័យប្រុសស្រីទាំង៥នាក់ត្រូវបានកំលាំងអន្តរាគមឈុតខ្មៅស្នងការដ្ឋាននគរបាលខេត្តបានចុះបង្ក្រាបទីតាំងជួញដូរ និងប្រើប្រាស់គ្រឿងញៀ នពីរកន្លែងផ្សេងគ្នាក្នុងថ្ងៃតែមួយក្នុងស្រុកជុំគីរី កាលពីរសៀលថ្ងៃទី២១ ខែកក្កដា ឆ្នាំ២០១៧ ។
លោកវរសេនីយទោ លក ញ៉ាវ បានឲ្យដឹងថា ក្នុងករណីទី១កងកំលាំងបានចុះប្រតិបត្តិការបង្ក្រាបឃាត់ខ្លួនជនសង្ស័យបាន២នាក់ និងវត្ថុតាងថ្នាំញៀន៦កញ្ចប់ ក្នុងនោះមានតូច៣កញ្ចប់ ធំ៣កញ្ចប់ ។ ករណីទី២ចុះបង្ក្រាបមួយកន្លែងទៀត ឃាត់ខ្លួនជនសង្ស័យចំនួន៣នាក់និងវត្ថុតាងថ្នាំញៀនចំនួន៤កញ្ចប់ តូច៣កញ្ចប់ ធំ១កញ្ចប់ ។
ជនសង្ស័យ និងវត្ថុតាងថ្នាំញៀនត្រូវបានកសាងសំណុំរឿងបញ្ជូនទៅសាលាដំបូងខេត្តដើម្បីចាត់ការតាមនីតិវិធី ៕
ចែករំលែកព័តមាននេះ