ឃាត់ខ្លួនមនុស្ស៣នាក់ ដកហូតថ្នាំញៀនបាន៤៨កញ្ចប់
ខេត្តកំពត ៖ កម្លាំងរបស់មន្ទីរយុត្តិធម៌កងរាជអាវុធហត្ថខេត្ត ដោយអនុវត្តតាមបទបញ្ជារបស់លោកឧត្តម សេនីយទោ កែវ សុផល មេបញ្ជាការកងរាជអាវុធហត្ថខេត្ត
ខេត្តកំពត ៖ កម្លាំងរបស់មន្ទីរយុត្តិធម៌កងរាជអាវុធហត្ថខេត្ត ដោយអនុវត្តតាមបទបញ្ជារបស់លោកឧត្តម សេនីយទោ កែវ សុផល មេបញ្ជាការកងរាជអាវុធហត្ថខេត្ត និងមានការសម្របសម្រួលនីតិវិធីពីលោក មុត ដារ៉ា តំណាងអយ្យការអមសាលាដំបូងខេត្ត ដឹកនាំកម្លាំងដោយលោកវរសេនីយទោ ហែម ចាន់ដារ៉ា មេ បញ្ជាការរង និងជាប្រធានមន្ទីរយុត្តិធម៌កងរាជអាវុធហត្ថខេត្ត បានចុះប្រតិបត្តិការបង្ក្រាបសំបុកចែកចាយ និងប្រើប្រាស់គ្រឿងញៀនមួយកន្លែងនៅចំណុចភូមិថ្កូវ ឃុំឫស្សីស្រុកខាងលិច ស្រុកកំពង់ត្រាច ខេត្តកំ ពត កាលពីវេលាម៉ោង៩និង៣០នាទីព្រឹក ថ្ងៃទី២២ កក្កដា ២០១៧។ លោកវរសេនីយទោ ហែម ចាន់ដារ៉ា មេ បញ្ជាការរង និងជាប្រធានមន្ទីរយុត្តិធម៌កងរាជអាវុធហត្ថខេត្តបានថ្លែងឲ្យដឹងថា ក្នុងករណីចុះប្រតិបត្តិការចុះបង្ក្រាបខាងលើកម្លាំងសមត្ថកិច្ចយើងសម្រេចលទ្ធផល ឃាត់ខ្លួនជនសង្ស័យប្រុសស្រី ចំនួន៣នា ក់ និងរឹបអូសវត្ថុតាងថ្នាំញៀនបានសរុបចំនួន៥៣កញ្ចប់តូច មានទម្ងន់ ២៦,៦៦ក្រាម។
លោកបានឲ្យ ដឹងទៀតថា ជនសង្ស័យដែលកម្លាំងសមត្ថកិច្ចឃាត់ខ្លួនទាំងបីនាក់មាន ទី១-ឈ្មោះ ហ៊ុន លី ភេទប្រុស អាយុ១៩ឆ្នាំ មុខរបរបុគ្គលិកកាស៊ីណូ មានទីលំនៅភូមិថ្កូវ ឃុំឫស្សីស្រុកខាងលិច ស្រុកកំពង់ត្រាច ខេត្តកំពត រឹបអូសថ្នាំញៀន១កញ្ចប់តូចទម្ងន់០,៥៣ ក្រាម។ ទី២-ឈ្មោះ សៀវ ចន្ថា ភេទស្រី អាយុ៤៦ឆ្នាំ មុខរបរលក់ត្រី ដកហូតវត្ថុតាងថ្នាំញៀនចំនួន៤កញ្ចប់តូច ទម្ងន់០,៨៥ ក្រាម។ ទី៣-ឈ្មោះ អ៊ុក ភា ភេទប្រុស អាយុ២៨ឆ្នាំ មុខរបរកម្មករ ដកហូតវត្ថុតាងថ្នាំញៀន ចំនួន៤៨កញ្ចប់តូច ទម្ងន់២៥,២៨ ក្រាម។ សរុបថ្នាំញៀនទាំងអស់ចំនួន៥៣កញ្ចប់តូច ដែលមានទម្ងន់២៦,៦៦ក្រាមថ្លឹងទាំងសំបក។ ជនសង្ស័យទាំង៣នាក់មានទីលំនៅភូមិ ឃុំជាមួយគ្នាខាងលើ។ បច្ចុប្បន្នកំពុងត្រូវបានការិយាល័យមន្ទីរយុត្តិធម៌កងរាជអាវុធហត្ថខេត្តធ្វើការសាកសួរ និងដើម្បីកសាងសំណុំរឿងបញ្ជូនទៅតុលាការចាត់ការតាមនីតិវិធីច្បាប់៕
ចែករំលែកព័តមាននេះ