ភ្ញៀវទេសចរជាង១ម៉ឺននាក់ មកកម្សាន្តតាមរណីយដ្ឋាននានាក្នុងខេត្តក្រចេះ នាឱកាសចូលឆ្នាំចិន-វៀតណាម
- ក្រចេះ
ខេត្តក្រចេះ ៖ ក្នុងរយៈពេល០៣ថ្ងៃ នៃពិធីចូលឆ្នាំប្រពៃណីចិន-វៀតណាម គិតចាប់ពីថ្ងៃទី២១-២៤ ខែ
ខេត្តក្រចេះ ៖ ក្នុងរយៈពេល០៣ថ្ងៃ នៃពិធីចូលឆ្នាំប្រពៃណីចិន-វៀតណាម គិតចាប់ពីថ្ងៃទី២១-២៤ ខែ
ខេត្តក្រចេះ ៖ ក្នុងរយៈពេល០៣ថ្ងៃ នៃពិធីចូលឆ្នាំប្រពៃណីចិន-វៀតណាម គិតចាប់ពីថ្ងៃទី២១-២៤ ខែ មករា ឆ្នាំ ២០២៣ ខេត្តក្រចេះ ទទួលបានភ្ញៀវទេសចរសរុបប្រមាណ ១២.២២០នាក់ ក្នុងនោះភ្ញៀវបរទេស ចំនួន ៣៣១ នាក់ ដែលបានចូលមកកម្សាន្តទស្សនាតាមតំបន់គោលដៅរមណីយដ្ឋានទេសចរណ៍ ក្នុងខេត្តក្រចេះ ។ នេះបើតាមរបាយការណ៍របស់លោក ចាន់ សុគន្ធី ប្រធានមន្ទីរទេស
ចរណ៍ខេត្ត។
លោកប្រធានមន្ទីរឲ្យដឹងទៀតថា ទីតាំងដែលភ្ញៀវទេសចរជាតិនិងអន្តរជាតិ ចូលមកទស្សនាកម្សាន្តនៅក្នុងរយះ០៣ ថ្ងៃ នោះរួមមាន រមណីយដ្ឋានអន្លង់ផ្សោតកាំពី -រមណីយដ្ឋានសហ
គមន៍អេកូរទេសចរណ៍សង្កាត់កោះទ្រង់ -រម្មមណីយដ្ឋានភ្នំសំបុក រម្មណីយដ្ឋានឆ្នេរសុពណ៌គីរី -សហគមន៍អេកូទេសចរណ៍កោះសាបសិប សហគមន៍អេកូទេសចណ៍កោះព្រហ្មចារី រម្មណីយដ្ឋានភ្នំសុពណ៌កាឡី -ព្រះវិហារធំសសរ ១០០ និងស្តូបវិមាន 2 ធ្នូ ដែលជាទីតាំងប្រវិត្តនៃការរំដោះប្រទេសជាតិ នៅក្នុងស្រុកស្នួល ។
លោកបន្តថា ការដែលចំនួនភ្ញៀវកើនច្រើនបែបនេះ គឺដោយសារការគ្រប់គ្រងនិងការអនុវត្តវិធានសុវត្ថិភាពទេសចរណ៍ ក៏ដូចជាការពង្រឹងគុណភាពសេវាកម្ម សណ្តាប់ធ្នាប់ បរិស្ថានអនាម័យ នៅ
មុនពេលមានកម្មវិធីបុណ្យទានចូលមកដល់ មន្ទីរទេសចរណ៍ បានសហការជាមួយរដ្ឋបាលខេត្ត បានចុះចែកសេចក្ដីណែនាំការពង្រឹងគុណភាព សេវាកម្ម, អនាម័យ និងការដាក់តម្លៃសេវាជូនភ្ញៀវ ក៏ដូចជាចុះត្រួតពិនិត្យណែនាំ និងជំរុញឲ្យភ្ញៀវទេសចណ៍ និងម្ចាស់មូលដ្ឋានអាជីវកម្ម ចូលរួមអនុវត្តវិធានសុវត្ថិភាពទេសចរណ៍ទាំង០៨ចំណុច ដែលក្រសួងទេសចរណ៏បានដាក់ចេញ។
ក្នុងនោះមន្ដ្រីជំនាញនៃមន្ទីរទេសចរណ៍ខេត្ត បានណែនាំដល់ម្ចាស់អាជីវកម្ម និងបងប្អូនប្រជាពលរដ្ឋអ្នកលក់ដូរក្នុងតំបន់រម្មណីយដ្ឋានត្រូវ ពង្រឹងការធ្វើបដិសណ្ឋារកិច្ចល្អចំពោះភ្ញៀវ ត្រូវការរៀប
ចំ និងធ្វើអនាម័យខ្លួនប្រាណអោយបានស្អាតល្អ ត្រូវធ្វើអនាម័យលើការរៀបចំវេចខ្ចប់ទុកដាក់ ការចំអិនម្ហូបអាហា និងសុវត្ថិភាពចំណីអាហារនៅតាមផ្ទះបាយ ត្រូវង្រឹងយកចិត្តទុកដាក់ការពារអនាម័យបរិស្ថាន និងការទុកដាក់សំរាមអោយបានល្អ និងស្អាតជាប្រចាំ ត្រូវមានបញ្ជីរាយមុខម្ហូប និងវិក័យបត្រគិតលុយឱ្យបានត្រឹមត្រូវរាល់ពេលគិតលុយ ត្រូវកំណត់តំបន់លេងទឹកឱ្យបានច្បាស់លាស់ ដោយប្រើសញ្ញាសំគាល់ ត្រូវអនុវត្តវិធានសុវត្ថិភាពភ្ញៀវអោយបានខ្ជប់ខ្ជួន(ស្លាកសញ្ញា ណែនាំ អាវពោង ត្រូវរាយការណ៍នូវរាល់ហេតុការណ៍អសន្ដិសុខផ្សេងៗដល់អាជ្ញាធរមានសមត្ថកិច្ច បន្ថែមពីលេីនោះ មន្ទីរទេសចរណ៍ខេត្ត បានចាត់មន្ដ្រីអោយប្រចាំការតាមរម្មណីយ៍ដ្ឋាននិមួយៗផងដែរ៕
ចែករំលែកព័តមាននេះ