ខេត្តកំពង់ស្ពឺ ៖ ព្រឹកថ្ងៃទី២១ ខែកក្កដា ឆ្នាំ២០១៧ នេះ ក្រុមជំនួយការលោក ហ៊ុន ម៉ាណែត បាននាំយកអំណោយ សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត តាមរយៈលោក ហ៊ុន ម៉ាណែត រួមមានបច្ច័យ៥លានរៀល ស៊ីម៉ងត៍១០តោន ឥដ្ឋ១ម៉ឺនដុំ ប្រគេនដល់វត្តត្បែង ស្ថិតនៅឃុំយាអង្គ ស្រុកថ្ពង ខេត្តកំពង់ស្ពឺ ដើម្បីចូលរួមចំណែកកសាងនៅក្នុងទីអារាមនេះ ។
ខេត្តកំពង់ស្ពឺ ៖ ព្រឹកថ្ងៃទី២១ ខែកក្កដា ឆ្នាំ២០១៧ នេះ ក្រុមជំនួយការលោក ហ៊ុន ម៉ាណែត បាននាំយកអំណោយ សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត តាមរយៈលោក ហ៊ុន ម៉ាណែត រួមមានបច្ច័យ៥លានរៀល ស៊ីម៉ងត៍១០តោន ឥដ្ឋ១ម៉ឺនដុំ ប្រគេនដល់វត្តត្បែង ស្ថិតនៅឃុំយាអង្គ ស្រុកថ្ពង ខេត្តកំពង់ស្ពឺ ដើម្បីចូលរួមចំណែកកសាងនៅក្នុងទីអារាមនេះ ។
ក្នុងឱកាសសំណេះសំណាល និងក្រៅពីប្រគេនអំណោយដល់វត្ត ក្រុមការងារក៏បាននាំមកនូវអំណោយអនុស្សាវរីយ៍មួយចំនួនជូនលោកយាយលោកតា ពុទ្ធបរិស័ទ ប្រជាការពារចំនួន១៧១នាក់ ដោយម្នាក់ៗ ទទួលបាន ក្រមាមួយ និងថវិកា៥ពាន់រៀល និងមានសម្ភារសិក្សាមួយចំនួនជូនក្មួយៗសិស្សានុសិស្ស ព្រមទាំងចូលរួមដាំកូនឈើ៤០០ដើម ក្នុងបរិវេណសាលារៀន និងវត្តត្បែង ។ ដែលមានការចូលរួមពីសំណាក់ព្រះសង្ឃ ក្រុមការងារ ប្រជាពលរដ្ឋ ប្រជាការពារ និងក្មួយសិស្សានុសិស្សជាច្រើននាក់ផងដែរ ។
លោក មែ ស៊ីថន ក្រុមជំនួយការ លោក ហ៊ុន ម៉ាណែត បានលើកឡើងថា ៖ ប្រមុខរាជរដ្ឋាភិបាលកម្ពុជា បានខិតខំស្វែងរកសុខសន្តិភាព បានកសាងនូវសន្តិភាពជូនប្រជាជន និងបានខិតខំអភិវឌ្ឍប្រទេសជាតិឱ្យមានការរីកចម្រើនដើម្បីប្រជាជន ។ ដូច្នេះ កិច្ចការរបស់យើងជាមនុស្សជំនាន់ក្រោយ គឺការថែរក្សាការពារសុខសន្តិភាព និងចូលរួមអភិវឌ្ឍប្រទេសជាតិ ។ លោកបានបន្តថា យើងពិតជាមានមោទនភាព ដែលយើងឃើញថាមូលដ្ឋាននៅក្នុងឃុំយាអង្គនេះ មានកាអភិវឌ្ឍរីកចម្រើនគួរឱ្យកត់សម្គាល់ ហើយជាក់ស្តែងថ្ងៃនេះ ក្រុមការងារបាននាំយកអំណោយជាសម្ភារ ថវិកា ប្រគេនដល់វត្តត្បែង និងលោកយាយលោកតា ប្រជាពលរដ្ឋ ក្មួយសិស្សានុសិស្ស និងការដាំដើមឈើនាពេលនេះ គឺដើម្បីចូលរួមចំណែកកសាងនៅក្នុងទីអារាមនេះ ដែលជាទីឋានដ៏ស្ងប់សុខ ជាទីកន្លែងអប់រំចិត្ត ជាកូនកន្លែងប្រមូលផ្តុំជួបជុំញាតិផៅសណ្តាន ធ្វើបុណ្យទាមតាមប្រពៃណីសាសនា និងជាមជ្ឈមណ្ឌលថែរក្សាវប្បធម៌ប្រពៃណីជាតិផងដែរ ។
ចែករំលែកព័តមាននេះ