រាជធានីភ្នំពេញ ៖ ជនសង្ស័យ២នាក់ ក្នុងចំណោមបក្សពួក៣នាក់ ដែលត្រូវសមត្ថកិច្ចនគរបាលព្រហ្មទណ្ឌក្រសួង សហការជាមួយនគរបាលរាជធានីភ្នំពេញចាប់ខ្លួន កាលពីថៃទី២០ កក្កដា ២០១៧ ពាក់ព័ន្ធករណីបា.ញ់អ្នករត់តាក់ស៊ីប្លន់យករថយន្តនៅ
រាជធានីភ្នំពេញ ៖ ជនសង្ស័យ២នាក់ ក្នុងចំណោមបក្សពួក៣នាក់ ដែលត្រូវសមត្ថកិច្ចនគរបាលព្រហ្មទណ្ឌក្រសួង សហការជាមួយនគរបាលរាជធានីភ្នំពេញចាប់ខ្លួន កាលពីថៃទី២០ កក្កដា ២០១៧ ពាក់ព័ន្ធករណីបាញ់អ្នករត់តាក់ស៊ីប្លន់យករថយន្តនៅខេត្តកំពង់ឆ្នាំង ក៏ត្រូវជនសង្ស័យ២នាក់បានឆ្លើយសារភាពថា ពួកគេបានបាញ់សម្លាប់មន្ត្រីជលផលស្រុកភ្នំក្រវ៉ាញខេត្តពោធិ៍សាត់ម្នាក់ទៀត កាលពីពេលកន្លងមក ។
ជនសង្ស័យ២នាក់ពាក់ព័ន្ធបាញ់សម្លាប់មន្ត្រីជលផលស្រុកភ្នំក្រវ៉ាញនោះ ម្នាក់ឈ្មោះសុវណ្ណ ឧត្តម ហៅដំ អាយុ២១ឆ្នាំ មានទីលំនៅក្នុងភូមិព្រៃខ្មែរ ស្រុករលាប្អៀរ ខេត្តកំពង់ឆ្នាំង និងម្នាក់ទៀតឈ្មោះរ៉ា ឌីម៉ា ហៅម៉ា ភេទប្រុស អាយុ១៩ឆ្នាំ នៅភូមិប៉ែន ឃុំលាច ស្រុកភ្នំក្រវ៉ាញ ខេត្តកំពង់ឆ្នាំង ។
តាមប្រភពពីសមត្ថកិច្ចឲ្យដឹងថា កាលពីវេលាម៉ោង៨ និង៣០នាទីយប់ថ្ងៃទី២៦ មិថុនា ២០១៧ មានករណីឃាតកម្មមួយកើតឡើងនៅផ្ទះជួល ស្ថិតក្នុងភូមិបោះពួយ ឃុំលាច ស្រុកក្រភ្នំវ៉ាញខេតពោធិ៍សាត់។ អំពើឃាតកម្មបាញ់សម្លាប់លើជនរងគ្រោះនេះ ឈ្មោះ ហេង រតនៈ ភេទប្រុស អាយុ២៦ឆ្នាំ ជាមន្ត្រីភូមិបាលស្រុកភ្នំក្រវ៉ាញ បណ្តាលឱ្យស្លាប់នៅកន្លែង ពេលនោះក្រុមឃាតករមានបក្សពួក៦នាក់ ។ បន្ទាប់ពីកើតមានអំពើឃាតកម្មនោះ នៅថ្ងៃទី១៣ កក្កដា ២០១៧ សមត្តកិច្ចនគរបាលបានធ្វើការឃាត់ខ្លួនជនសង្ស័យ២នាក់មានម្នាក់ឈ្មោះប៊ុន ភាស អាយុ២៣ឆ្នាំ រស់នៅភូមិពេជ្របាន ឃុំលាច ស្រុកភ្នំក្រវ៉ាញ ខេត្តពោធិសាត់ និងម្នាក់ឈ្មោះកែវ លាង អាយុ២៥ឆ្នាំ ស្នាក់នៅភូមិសំរោង១ ឃុំលាច ស្រុកភ្នំក្រវ៉ាញ ខេត្តពោធិ៍សាត់ ហើយជនសង្ស័យ២នាក់នេះ ត្រូវបានបញ្ជូនទៅឃុំខ្លួនក្នុងពន្ធនាគាររួចហើយដែរ ។
ដូច្នេះ ករណីឃាតកម្មបាញ់សម្លាប់លើមន្ត្រីជលផលនោះ ត្រូវសមត្ថកិច្ចចាប់ខ្លួនបាន៤នាក់ហើយ ហើយនៅសល់២នាក់ទៀតកំពុងគេចខ្លួន នេះបើតាមចម្លើយជនសង្ស័យជាឃាតករបាញ់សម្លាប់អ្នករត់តាក់ស៊ីប្លន់រថយន្ត ។
ចែករំលែកព័តមាននេះ