រាជធានីភ្នំពេញ ៖ យោងតាមបញ្ជាក់ដោយផ្ទាល់មាត់ពីលោកឃីម ហ្សានីត ដែលត្រូវគេស្គាល់ថា ជាម្ចាស់ជ័យលាភីលេខ៣ ក្នុងការប្រកួតបុរសឯកអន្តរជាតិ Mister United Contenent 2016 នៅប្រទេសហ្វីលីពីន និងជាបុរសឯកអន្តរជាតិប្រចាំកម្ពុជា
រាជធានីភ្នំពេញ ៖ យោងតាមបញ្ជាក់ដោយផ្ទាល់មាត់ពីលោកឃីម ហ្សានីត ដែលត្រូវគេស្គាល់ថា ជាម្ចាស់ជ័យលាភីលេខ៣ ក្នុងការប្រកួតបុរសឯកអន្តរជាតិ Mister United Contenent 2016 នៅប្រទេសហ្វីលីពីន និងជាបុរសឯកអន្តរជាតិប្រចាំកម្ពុជាពេលនោះបានអះអាងថា លោកសម្រេចចូលធ្វើប៉ូលិសជាផ្លូវការហើយ បន្ទាប់ពីបានប្រលងជាប់ ហើយតម្រូវឱ្យលោកទៅហ្វឹកហាត់ឱ្យក្លាយជាប៉ូលិសពេញសិទ្ធិ ។ លោកប្រកាសដើរចេញពីការសិល្បៈយ៉ាងហោច៣ខែ ដោយអះអាងថា ដរាបណាការហ្វឹកហាត់ជំនាញប៉ូលិសរបស់លោកមិនទាន់បានបញ្ចប់ ។
លោកហ្សានីត និយាយថា បើទោះជាការងារសិល្បៈកាន់តែមានការបោះជំហានឈានឡើង ក៏លោកត្រូវតែសម្រេចចិត្ត សុំផ្អាកមួយរយៈ ក្រោយពីលោកចូលប្រលងធ្វើប៉ូលិសហើយជាប់ ដែលលោកប្រកាសថា គឺជាក្ដីស្រមៃមួយ ។ លោកថា អាជីពប៉ូលិស គឺលោកស្រលាញ់ជាយូរមកហើយ ទើបគ្រាន់តែបានជាប់ភ្លាម ក៏ទទួលដោយពេញចិត្តតែម្ដង ដោយសុខចិត្តទាំងមិនទទួលថតរឿងជាតួឯក ក្នុងរឿងភាគទូរទស្សន៍ និងភាពយន្តខ្នាតធំរឿង”អាគមស្បែកដាច” ដែលសុទ្ឌតែជារឿងធ្វើអោយ លោកលេចធ្លោ។
តួប្រុសក្នុងរឿង «មានតែអូ» របស់ប៉ុស្តិលេខ៩រូបនេះ សម្ដែងអារម្មណ៍សោកស្ដាយ ដែលមានផលិតករជាច្រើនផ្ដល់ឱកាសឱ្យធ្វើតួឯក បែរជាលោកសុំមិនសម្ដែងវិញ ដើម្បីយកពេលទៅហាត់ប៉ូលីស ជាមន្ត្រីនគរបាលពេញសិទ្ធិ។ លោកប្រកាសបន្សាំខ្លួននៅក្នុងបន្ទាយនៅវិទ្យាស្ថានបណ្ដុះបណ្ដាលវិជ្ជាជីវៈ នគរបាលនៅដីឥដ្ឋហួសគៀនស្វាយ រហូតដល់៣ខែ។
លោកនិយាយថា លោកបានប្រលងធ្វើប៉ូលីសតាំងពីខែ៧ ឆ្នាំ២០១៦ ប៉ុន្តែមកពីមិនទាន់ដល់ឈ្មោះត្រូវបញ្ជូនអោយទៅហ្វឹកហាត់ទើបលោកមិនដែលប្រកាសជាសាធារណៈ។ លោកនឹងក្លាយជាមន្ត្រីនគរបាលរបស់ក្រសួងមហាផ្ទៃពេញសិទ្ធិក្រោយការហ្វឹកហាត់ ដោយក្នុងពេលនោះក៍នឹងទទួលសម្ដែងអោយពេញទំហឹងទន្ទឹមគ្នាដែរ ដោយសារតែអះអាងថាក្នុងពេលពេញសិទ្ធិ គឺអាចឆ្លៀតពេលទទួលថតបាន។
យ៉ាងណាមិញ លោកថាបានទទួលថតរហូតប៉ះពាល់ការងារនោះដែរ ក្នុងពេលដែលលោកក៍ត្រូវបម្រើការជាមន្ត្រីប៉ូលីសជាតួនាទីចាំបាច់ផងដែរ ។ ក្នុងអំឡុងពេលហ្វឹកហាត់៣ខែនេះ លោកប្រកាសទទួលថតស្ពតសម្រាប់សៅរ៍-អាទិត្យ តែសម្រាប់ការងារសម្ដែង គឺមិនទាន់ទទួលទេដោយស្នើអោយផលិតករធ្វើយោគយល់៕
ចែករំលែកព័តមាននេះ