ខេត្តកំពង់ឆ្នាំង ៖ ស្ត្រីម្នាក់ត្រូវបានសមត្ថកិច្ចចាប់ខ្លួនភ្លាមៗ កាលពីព្រឹកថ្ងៃទី២២ កក្កដា នេះ ស្ថិតនៅទីរួមខេត្តកំពង់ឆ្នាំង ខណ:ពេលស្រី្តរូបនេះទៅបើកយកប្រាក់ពីការជម្រិតចំនួន៤០០០ដុល្លារអាមេរិក ពីកន្លែងវេលុយ(វីង)ជាថ្នូរនឹងការដោះលែងក្មេងស្រី ដែលជាចំណាប់ខ្មាំង ។ ស្ត្រីសង្ស័យខាងលើឈ្មោះសេង សុខលី អាយុ៣៨ឆ្នាំ មានទីលំនៅភូមិកន្ទោក សង្កាត់កន្លទោក ខណ្ឌពោធិ៍សែនជ័យ រាជធានីភ្នំពេញ ។ បើតាមសមត្តកិច្ចបង្ហើបឱ្យដឹងថា ស្ត្រីជាឧក្រិដ្ឋជននេះ គឺជាត្រូវជាអ៊ំរបស់ក្មេងស្រីរងគ្រោះ ដែលគេចាប់យកទៅធ្វើជាចំណាប់ខ្មាំង ដើម្បីជម្រិតទារយកប្រាក់ពីឧពុកម្តាយនាងនោះ ។
គួរបញ្ជាក់ថា កាលពីវេលាម៉ោងប្រមាណ១២ថ្ងៃត្រង់ថ្ងៃទី២១ កក្កដា មានហេតុការណ៍ដ៏ភ្ញាក់ផ្អើលមួយបានកើតឡើង បន្ទាប់ពីក្មេងស្រីម្នាក់បានបាត់ខ្លួនចេញពីសាលាបឋមសិក្សាអង្គលំទង ស្ថិតនៅភូមិព្រែតាមួច ឃុំស្នំក្រពើ ស្រុកគងពិសី ខេត្ដកំពង់ស្ពឺ ។ ក្មេងស្រីម្នាក់ឈ្មោះម៉ុក ចាន់រស្មី អាយុ៨ឆ្នាំ រៀនថ្នាក់ទី២ មានទីលំនៅភូមិឃុំខាងលើ ឪពុកឈ្មោះ ម៉េង អោក និងម្ដាយឈ្មោះ ភី សោភា ។
ក្រោយពេលបាត់ខ្លួនក្មេងស្រីនោះ ពីព្រឹករហូតដល់យប់ថ្ងៃដដែល ស្រាប់តែមានទូរស័ព្ទអានាមិក តេចូលលេខទូរស័ព្ទរបស់អាណាព្យាបាលក្មេងរងគ្រោះ ដោយគំរាមទារប្រាក់រាប់ម៉ឺនដុល្លារ ជាថ្នូរនឹងការដោះលែងជនរងគ្រោះវិញ ។ ឧក្រិដ្ឋជនបានគំរាមថា បើមិនបានលុយជាដោះដូរទេ កុំសង្ឃឹមថា បានកូនរស់នៅសល់ជីវិតទៅវិញឲ្យសោះ មិនបានលុយចាំទទួលយកខ្មោចក្មេងនេះទៅ ។
ឧក្រិដ្ឋជននិយាយបណ្តើរ ដាក់សម្លេងឱ្យក្មេងរងគ្រោះយំបណ្តើរ ដើម្បីបញ្ជាក់ថា ពេលនេះក្មេងស្រីនោះកំពុងស្ថិតនៅក្នុងដៃចំណាប់ខ្មាំង ។ ក្រោយមកមានការចរចាត្រូវរ៉ូវគ្នាត្រឹម៤.០០០ដុល្លារអាមេរិក ខណ:អាណាព្យាបាលជនរងគ្រោះបានសុំទុកពេលថា ចាំព្រឹកគាត់នឹងរកប្រាក់ផ្ញើទៅ ។
លុះព្រឹកថ្ងៃទី២២ កក្កដា អាណាព្យាលជនរងគ្រោះបានរកប្រាក់ ដើម្បីវេរទៅឲ្យឧក្រិដ្ឋជនតាមការទារ ពេលនោះក៏ត្រូវសមត្ថកិច្ចចាប់ខ្លួនឧក្រិដ្ឋជន ខណ:ពេលកំពុងរៀបចំបើកលុយវីងមួយកន្លែង ក្នុងទីរួមខេត្តកំពង់ឆ្នាំង ។ ការចាប់ខ្លួនឧក្រិដ្ឋជនជំម្រិតទារប្រាកើខាងលើនេះ គឺធ្វើឡើងដោយកម្លាំងនគរបាលការិយាល័យព្រហ្មទណ្ឌកម្រិតធ្ងន់ក្រសួងមហាផ្ទៃ ដែលដឹកនាំដោយលោកវរ:សេនីយ៍ឯក ជាវ វិបុល នាយការិយាល័យ នឹងមានការសហការជាមួយនគរបាលខេត្តកំពង់ឆ្នាំងផងដែរ ។
លោកវរសេនីយ៍ឯក ជាវ វិបុល បានឲ្យដឹងតាមទូរស័ព្ទថា ពិតជាមានការឃាត់ខ្លួនស្ត្រីដែលជាឧក្រិដ្ឋចាប់ក្មេងជម្រិតទារប្រាក់នោះមែន រួមទាំងរំដោះបានកុមារីរងគ្រោះទៀតផង ។ គួររំលឹកថា បំបែកបានហើយ… ក្រោយរកឃើញនាងតូចវិញហួសចិត្ត
ចែករំលែកព័តមាននេះ