ខេត្តកំពង់ស្ពឺ ៖ សេចក្តីរាយការណ៍បន្តឱ្យដឹង លើករណីបាត់ក្មេងស្រីម្នាក់នៅក្នុងសាលាបឋមសិក្សាអង្គលំទង ស្ថិតក្នុងឃុំស្នំក្រពើ ស្រុកគងពិសី ខេត្តកំពង់ស្ពឺ ពេលដែលនាងចេញពីរៀននោះ ត្រូវបានសមត្ថកិច្ចបំបែកបានហើយ គឺរកឃើញនៅក្នុងទឹកដីខេត្ត
ខេត្តកំពង់ស្ពឺ ៖ សេចក្តីរាយការណ៍បន្តឱ្យដឹង លើករណីបាត់ក្មេងស្រីម្នាក់នៅក្នុងសាលាបឋមសិក្សាអង្គលំទង ស្ថិតក្នុងឃុំស្នំក្រពើ ស្រុកគងពិសី ខេត្តកំពង់ស្ពឺ ពេលដែលនាងចេញពីរៀននោះ ត្រូវបានសមត្ថកិច្ចបំបែកបានហើយ គឺរកឃើញនៅក្នុងទឹកដីខេត្តកំពង់ឆ្នាំង ដែលជាករណីចាប់ជម្រិតទារប្រាក់ ។ នេះយោងតាមសមត្ថកិច្ចខេត្តកំពង់ស្ពឺឱ្យកោះសន្តិភាពដឹងនាថ្ងៃទី២២ កក្កដានេះ ។ គួររំលឹកថា ក្មេងស្រីម្នាក់បាត់ខ្លួន សង្ស័យមានអ្នកល្បួងយកទៅ
សេចក្តីរាយការណ៍បន្តថា ក្មេងស្រីរងគ្រោះខាងលើ ពេលនេះគឺមានសុវត្ថិភាពហើយ ។ ហើយមុនឈានដល់ការចាប់មុខសញ្ញាបាននេះ គឺត្រូវក្រុមគ្រួសារបានសហការជាមួយសមត្ថកិច្ច ក្នុងការវេរលុយទៅឱ្យជនសង្ស័យ ដែលទូរស័ព្ទមកជំរិតទារប្រាក់ពីឪពុកម្តាយកុមារីរងគ្រោះចំនួន៤.០០០ដុល្លារ ជាថ្នូរនឹងការដោះលែងក្មេងស្រីមកវិញ ។
បច្ចុប្បន្ន សមត្ថកិច្ចកំពុងនាំខ្លួនជនសង្ស័យ និងត្រូវនាំមកកាន់ខេត្តកំពង់ស្ពឺវិញ ។ បើតាមការបង្ហើបប្រភពចុងក្រោយថា ជនសង្ស័យខាងលើនេះ គឺជាអ៊ំស្រីរបស់កុមារីរងគ្រោះតែម្តង ។
ចែករំលែកព័តមាននេះ