រាជធានីភ្នំពេញ ៖ នាយករងសាលាបឋមសិក្សាវាលស្បូវម្នាក់ ត្រូវបានសមត្ថកិច្ចប៉ុស្តិ៍រដ្ឋបាលនគរបាលវាលស្បូវ ធ្វើការឃាត់ខ្លួន កាលពីវេលាល្ងាចថ្ងៃទី២០ កក្កដា ស្ថិតនៅក្នុងផ្ទះរបស់ខ្លួនខ្លួន ក្រោយប្រព្រឹត្តសកម្មភាពបៀតបៀនកេរ្តិ៍ខ្មាស់លើក្មេងស្រីជាសិស្សសាលាម្នាក់អាយុ១៤ឆ្នាំ នៅក្នុងបន្ទប់ទីចាត់ការសាលា ស្ថិតនៅភូមិស្វាយតាអុក សង្កាត់វាលស្បូវ ខណ្ឌច្បារអំពៅ កាលពីម៉ោង១០ព្រឹកថ្ងៃទី១៩ កក្កដា កន្លងមក ។
ជនសង្ស័យខាងលើឈ្មោះឡុង សុខ អាយុ៥០ឆ្នាំ ជានាយករងសាលាបឋមសិក្សាវាលស្បូវ និងមានទីលនៅក្នុងភូមិក្តីតាកុយ សង្កាត់វាលស្បូវ ខណ្ឌច្បារអំពៅ ។ ចំណែកក្មេងស្រីរងគ្រោះអាយុ១៤ឆ្នាំ ស្នាក់នៅក្នុងអង្គការមួយឈ្មោះ «សហគមន៍ទឹកដី
សន្យា» ។
អធិការរងនគរបាលខណ្ឌច្បារអំពៅ លោកម៉ៅ សឿត បានប្រាប់ឱ្យដឹងថា ក្មេងស្រីរងគ្រោះនិងមិត្តភក្តិក្មេងៗដូចគ្នាមួយចំនួនឧស្សាហ៍ចេញ-ចូលទៅលេងក្នុងទីចាត់ការរបស់លោកនាយករងខាងលើជារឿយៗ ។ ហើយនៅព្រឹកថ្ងៃកើតហេតុ នាងនិងមិត្តភក្តិ ៣នាក់ផ្សេងទៀត បានចូលទៅប្រលែងលេងជាមួយលោកនាយករង លុះមួយសន្ទុះគ្នីគ្នាបានចេញទៅខាងក្រៅមុន នៅសល់តែនាង និងលោកនាយករង ក៏ត្រូវតែត្រូវលោកនាយករងបន្លំលេងច្របាច់ដោះនាងតែម្តង ។
ក្រោយការបៀតបៀនហើយនោះ ពេលត្រឡប់ទៅដល់ទីតាំងអង្គការវិញ ក្មេងស្រីរងគ្រោះបានប្រាប់ពីដំណើររឿងទៅកាន់ម្ចាស់អង្គការ ទើបខាងតំណាងអង្គការ សហគមន៍ទឹកដីសន្យា បានមកដាក់ពាក្យបណ្តឹង នៅប៉ុស្តិ៍រដ្ឋបាលនគរបាលមូលដ្ឋាន សុំអោយជួយអន្តរាគមន៍ឃាត់ជនសង្ស័យនៅវេលាល្ងាចថ្ងៃទី២០ តែម្តង ។
នៅចំពោះមុខសមត្ថកិច្ច លោកនាយករងសាលាបានឆ្លើយថា ខ្លួនមិនបានមានបំណងប៉ះពាល់អ្វីលើខ្លួនក្មេងស្រីរងគ្រោះឡើយ គ្រាន់តែពេលនោះ គឺជាការប្រលែងគ្នាហើយគ្រលាស់ដៃប៉ះចំដោះក្មេងស្រី រងគ្រោះបន្តិចបន្តួចប៉ុណ្ណោះ ពុំមែនដូចការលើកឡើងរបស់ក្មេងស្រីរងគ្រោះ ដែលចោទថាគាត់បន្លំ ច្របាច់ឡើយ ។
ទោះបីជាយ៉ាងណា នាយករងសាលាខាងលើត្រូវបានឃុំខ្លួនជាបណ្តោះអាសន្ន នៅអធិការដ្ឋាននគរបាលខណ្ឌច្បារអំពៅ រង់ចាំចាត់ការបន្ត។
ចែករំលែកព័តមាននេះ