ការរញ្ជួយដីមួយកើតមាននាថ្ងៃទី២១ កក្កដា នៅប្រជុំកោះក្រិកនាភាគអាគ្នេយ៍សមុទ្រ EGEE បណ្តាលឱ្យមនុស្សស្លា.ប់២នាក់នៅកោះ KOS ហើយមនុស្សជាង១០០នាក់រងរបួស ។
អ្នកទទួលខុសត្រូវម្នាក់នៃមន្ទីរពេទ្យមួយនៅ
ក្រិក ៖ ការរញ្ជួយដីមួយកើតមាននាថ្ងៃទី២១ កក្កដា នៅប្រជុំកោះក្រិកនាភាគអាគ្នេយ៍សមុទ្រ EGEE បណ្តាលឱ្យមនុស្សស្លាប់២នាក់នៅកោះ KOS ហើយមនុស្សជាង១០០នាក់រងរបួស ។
អ្នកទទួលខុសត្រូវម្នាក់នៃមន្ទីរពេទ្យមួយនៅកោះ KOS គូសបញ្ជាក់ថា ពិដានអគារមួយបានបាក់ រួចអគារនេះជាបារមួយនាភាគកណ្តាលក្រុង ។
យោងតាមព័ត៌មានដំបូងៗរបស់ប៉ូលិសថា ជនរងគ្រោះម្នាក់ជាជនជាតិតួកគី ហើយម្នាក់ទៀតជាអ្នកទេសចរជនជាតិស៊ុយអែត ។ តាមស្ត្រីអ្នកកាសែតម្នាក់នៅ KOS ថា ជនរងគ្រោះទាំង២នាក់នេះ ស្ថិតតាមដងវិថីក្នុងសង្កាត់មានមនុស្សច្រើនកុះករនៃទីក្រុង KOS ហើយត្រូវស្លាប់ដោយសារថ្មនៃអគារចាស់មួយរលំបាក់ជិតពួកគេ ។
លោក NEKTARIOS SANTORINIOS រដ្ឋលេខាធិការក្រសួងនាវាដឹកទំនិញក្រិកនិយាយថា ចំនួនអ្នករបួសឡើងដល់១២០នាក់ ។ លោកថា អគារជាច្រើនរងការខូចខាត ។ ឧទ្ធម្ភាគចក្រ២គ្រឿងត្រូវបានបញ្ជូនមកកាន់កោះ KOS ដើម្បីដឹកបណ្តាអ្នករបួសទៅកាន់កោះ RHODES ។ ការខូចខាតពិតជាធ្ងន់ធ្ងរនៅកំពង់ផែក្រុង KOS ដែលនាវាដឹកអ្នកដំណើរធំ BLUE STAR PAROS ពុំអាចចូលទៅកំពង់ផែនេះ ហើយមកកាន់កោះ RHODES ។
យោងតាមវិទ្យាស្ថានភូគម្ភសាស្ត្រអាមេរិក USGS ថា ការរញ្ជួយដីនេះមានកម្លាំង៦,៧រីស្ទ័រ ហើយកើតមាននាថ្ងៃទី២១ កក្កដា វេលាម៉ោង១និង៣១នាទីរំលងអធ្រាត្រម៉ោងក្នុងស្រុក ។
ចំណុចកណ្តាលរបស់វាស្ថិតនៅចំណុចចម្ងាយ១០គីឡូម៉ែត្រ ភាគអាគ្នេយ៍ទីក្រុងជាប់មាត់សមុទ្រតួកគី BODRUM និងចម្ងាយ១៦,២គីឡូម៉ែត្រខាងកើតកោះ KOS ក្រិក ។ ក្រៅពីបណ្តាកោះក្រិក ការរញ្ជួយដីនេះញ៉ាំងឱ្យមានការញ័ររង្គើនៅឆ្នេរសមុទ្រខាងលិចរបស់តួកគី ពិសេសនៅទីក្រុង BODRUM ។ លើកោះក្រិក RHODES ការញ័ររង្គើធ្វើឱ្យពួកអ្នកទេសចរភ្ញាក់ផ្អើល ភ្ញាក់អស់ពីដំណេក ៕
ចែករំលែកព័តមាននេះ