«ស៊ីនហួ»របស់ចិនកាលពីពេល ថ្មីៗកន្លងមកផ្សាយថា អ្នកទេសចរចិននិយមទៅកម្សាន្តនៅភ្នំHuashanជាភ្នំមួយក្នុងចំណោមភ្នំដ៏សក្តិសិទ្ធិទាំង៥របស់ចិន ។ អ្នកទេសចរត្រូវដើរសសៀរតាមជញ្ជាំងថ្មភ្នំប្រកបដោយគ្រោះថ្នាក់បំផុតនៅលើពិភពលោក ។
ផ្លូវថ្មើរជើងដែលសសៀរលើជញ្ជាំងភ្នំឈ្មោះ«ឆាងឃុង»បានសាងសង់តាំងពីសម័យបុរាណដោយធ្វើពីក្តារបន្ទះចងផ្អោបគ្នា ។ ផ្លូវដើរសសៀរតាមជញ្ជាំងភ្នំនោះមានកម្ពស់ជាច្រើនពាន់ម៉ែត្រពីដី។ មានកន្លែងខ្លះស្ពានសសៀរ«ឆាងឃុង»តូចចង្អៀតទទឹងប្រហែល៣០សង្ទីម៉ែត្រ ដូច្នេះក្នុងពេលភ្ញៀវទេសចរច្រើនដើរឆ្លងចាត់ទុកថាជាទីតាំងដ៏គ្រោះថ្នាក់បំផុតនៅលើពិភពលោក ។
នៅរដូវក្តៅក្នុងអំឡុងខែកក្កដា ដល់ចុងខែសីហា ជារៀងរាល់ឆ្នាំចាត់ទុកថាជារយៈពេលដ៏ពេញនិយមរបស់អ្នកទេសចរចិន ក្នុងការលំហែកាយនៅតាមភ្នំ និងសមុទ្រដើម្បីទស្សនាទេសភាពដ៏ស្រស់ស្អាត ។ ភ្នំHuashanជាផ្នែកមួយនៃទីតាំងទេសចរណ៍ដែលអ្នកទេសចរចិននិយមទៅកម្សាន្ត ។
អ្នកទៅដើរកម្សាន្តនៅភ្នំHuashanអាចធ្វើដំណើរតាមរថយន្ត និងរថភ្លើងពីក្រុងស៊ីអាន ខេត្តសានស៊ី ដោយចំណាយពេលមិនលើសពី២ម៉ោងទេ ៕
ចែករំលែកព័តមាននេះ