តម្លៃប្រេងឆៅបានកើនឡើងកាលពីថ្ងៃពុធ ព្រោះតែត្រូវបានជំរុញដោយតម្រូវការប្រេងសាំងដ៏រឹងមាំ ប៉ុន្តែការកើនឡើងនៃផលិតកម្មពីប្រទេសជាសមាជិក OPEC ផ្តល់ការព្រួយបារម្ភថា
តម្លៃប្រេងឆៅបានកើនឡើងកាលពីថ្ងៃពុធ ព្រោះតែត្រូវបានជំរុញដោយតម្រូវការប្រេងសាំងដ៏រឹងមាំ ប៉ុន្តែការកើនឡើងនៃផលិតកម្មពីប្រទេសជាសមាជិក OPEC ផ្តល់ការព្រួយបារម្ភថា នឹងនៅតែមានការផ្គត់ផ្គង់លើសលប់ដដែល ។
ស្ថានីយប្រេងឥន្ធនៈអាមេរិក (API) បាននិយាយកាលពីថ្ងៃអង្គារថា ខណៈដែលប្រេងឆៅក្នុងស្តុករបស់សហរដ្ឋអាមេរិកបានកើនឡើងប្រមាណ១,៦លានធុង មកស្មើ៤៩៧,២លានធុង ប្រេងសាំងដែលបានស្តុកទុក បែរជាធ្លាក់ចុះដល់ទៅ៥,៤លានធុងឯណោះ ។
លោក Olivier Jakob អ្នកប្រឹក្សាផ្នែកប្រេងក្នុង Petromatrix និយាយថា ៖ «ទិន្នន័យដែល API បានរាយការណ៍មក គឺពិតជាធំណាស់ ហើយប្រេងសាំងមានភាពរឹងមាំស្រាប់ទៅហើយ » ។
លោកបន្តថា ៖ « ប្រសិនបើអ្នកមានប្រេងសាំងរឹងមាំនោះ វាពិបាកក្នុងការលក់ប្រេងឆៅចេញបានច្រើនណាស់ » ។
ប៉ុន្តែផលិតកម្មក្នុងប្រទេសជាសមាជិកអង្គការនាំចេញប្រេង (OPEC) នៅតែខ្ពស់ ដោយភាគច្រើនមកពីការកើនឡើងនៃផលិតកម្មក្នុងប្រទេសនីហ្សេរីយ៉ា និងលីប៊ី ធ្វើឲ្យប៉ះពាល់ដល់ការខិតខំប្រឹងប្រែងរបស់អង្គការនេះក្នុងការធ្វើឲ្យទីផ្សារមានលំនឹង ។
BNP Paribas និយាយថា ៖ « ផលិតកម្មក្នុងប្រទេសលីប៊ីក្នុងពេលបច្ចុប្បន្ននេះ គឺស្មើប្រមាណ១លានធុងក្នុងមួយថ្ងៃ ខណៈក្នុងប្រទេសនីហ្សេរីយ៉ាបានកើនឡើងដល់ប្រមាណ២លានធុងក្នុងមួយថ្ងៃ » ។
ប្រទេសនីហ្សេរីយ៉ា និងលីប៊ីបានរួចផុតពីកិច្ចព្រមព្រៀងរវាងសមាជិក OPEC និងប្រទេសផលិតប្រេងដទៃ រួមមានរុស្ស៊ី ដែលបានយល់ស្របថា នឹងកាត់បន្ថយផលិតកម្មប្រមាណ១,៨លានធុងក្នុងមួយថ្ងៃ ពីរវាងខែមករាឆ្នាំនេះ ដល់ខែមីនា ឆ្នាំ២០១៨ ។
តម្លៃប្រេងឆៅក្នុងឆ្នាំនេះបានធ្លាក់ចុះ១៥% ធ្វើឲ្យប្រេងឆៅក្លាយជាផលិតផលដែលជួបប្រទះការអន់ថយជាងគេក្នុងឆ្នាំ២០១៧ ៕
ចែករំលែកព័តមាននេះ