រាជធានីភ្នំពេញ ៖ វិទ្យាស្ថានទំនាក់ទំនងអន្តរជាតិបានចេញសេចក្តីថ្លែងការណ៍មួយកាលពីថ្ងៃទី ២០ កក្កដា ឆ្នាំ២០១៧ ទាមទារឲ្យមន្ត្រីជាន់ខ្ពស់គណបក្សសង្គ្រោះជាតិលោក អេង ឆៃអ៊ាង កែតម្រូវជាបន្ទាន់នូវ
រាជធានីភ្នំពេញ ៖ វិទ្យាស្ថានទំនាក់ទំនងអន្តរជាតិបានចេញសេចក្តីថ្លែងការណ៍មួយកាលពីថ្ងៃទី ២០ កក្កដា ឆ្នាំ២០១៧ ទាមទារឲ្យមន្ត្រីជាន់ខ្ពស់គណបក្សសង្គ្រោះជាតិលោក អេង ឆៃអ៊ាង កែតម្រូវជាបន្ទាន់នូវសារដែលបានបង្ហោះតាមបណ្តាយសង្គមហ្វេសប៊ុកវាយប្រហារលើលោក សុខ ទូច អនុប្រធានរាជបណ្ឌិតសភាកម្ពុជា។
លោក អេង ឆៃអ៊ាងកាលពីថ្ងៃទី ២០ កក្កដា បានសរសេររិះគន់ទៅលើលោក សុខ ទូច ដែលមានខ្លឹមសារថា៖ «បើគាំទ្រឲ្យធ្វើច្បាប់ហាមពលរដ្ឋខ្លួនឯងមិនឲ្យប្រើពាក្យ (ខ្មែរ) មួយចំនួន ដូចលោក សុខ ទូច និយាយមែននោះ គួរតែធ្វើច្បាប់លុបអក្សរសាស្ត្រខ្មែរ ដែលបង្កើតនិងរៀបចំដោយសម្តេចសង្ឃរាជ ជួន ណាត ចេញទៅ ហើយឲ្យលោក សុខ ទូច បង្កើតអក្សរសាស្ត្រថ្មី យកមកប្រើតែម៉ងទៅ!»។
ភ្លាមៗបន្ទាប់ពីការបង្ហោះសារក្នុងគណនីហ្វេសប៊ុករបស់លោក អេង ឆៃអ៊ាងនោះ វិទ្យាស្ថានទំនាក់ទំនងអន្តរជាតិបានសម្តែងនូវការសោកស្តាយជាខ្លាំង ដោយសារតែសាររបស់មន្ត្រីបក្សប្រឆាំងរូបនេះមានលក្ខណៈ «ជាសារមូលបង្កាច់ប្រាសចាកពីការពិត សាបពណ៌ មានចរិកនយោបាយ និងនាំឲ្យសាធារណជនមានការយល់ច្រឡំ»។
លោក សុខ ទូច នៅក្នុងកិច្ចពិភាគ្សាតុមូល ស្តីពី «វិសោធនកម្មច្បាប់ ស្តីពីគណបក្សនយោបាយ” កាលពីថ្ងៃទី ១៩ កក្កដា នោះមិនបានមានប្រសាសន៍ដូចការលើកឡើងរបស់លោក អេង ឆៃអ៊ាងឡើយ តែលោកបានបញ្ជាក់ថាការប្រើបពាក្យ «សង្គ្រោះជាតិ» នៅពេលនេះវាមិនត្រូវបរិបទសង្គមទេ ពីព្រោះប្រទេសជាតិអត់មានអ្វីត្រូវសង្គ្រោះទេ។ លោក សុខ ទូច នៅពេលនោះគឺគ្រាន់តែបញ្ជាក់ថា បើនិយាយពាក្យសង្គ្រោះជាតិ គឺត្រូវនិយាយនៅសម័យ សមមិត្ត ហ៊ុន សែន ទើបត្រូវ ព្រោះត្រូវសង្គ្រោះជាតិពីរណ្តៅបិសាចមរណៈខ្មែរក្រហម»។
សេចក្តីថ្លែងការណ៍បានបញ្ជាក់ថា៖ «វិទ្យាស្ថានទំនាក់ទំនងអន្តរជាតិកម្ពុជាស្នើដោយទទូចឲ្យលោក អេង ឆៃអ៊ាង កែតម្រូវជាបន្ទាន់នូវសារដែលមានចរិកនយោបាយមូលបង្កាច់បែបនេះ និងលុបចេញពីគណនីហ្វេសប៊ុករបស់ខ្លួន ឲ្យបានឆាប់តាមដែលអាចធ្វើបាន»។
យ៉ាងណាមិញនៅព្រឹកថ្ងៃទី ២១ កក្កដានេះ លោកអេងឆៃអ៊ាង នៅមិនទាន់បានលុបចោលនូវសាររិះគន់លោក សុខ ទូចនៅឡើយទេ៕
ចែករំលែកព័តមាននេះ