សហរដ្ឋអាមេរិក ៖ ក្នុងរបាយការណ៍មួយ ក្រសួងការបរទេសអាេមរិកប្រកាសនាថ្ងៃទី១៩ កក្កដា ថា ចំនួនការវាយប្រហារភេរវកម្មលើពិភពលោកមានការចុះថយក្នុងឆ្នាំ២០១៦ គឺ២ឆ្នាំជាប់ៗគ្នា ។
សហរដ្ឋអាមេរិក ៖ ក្នុងរបាយការណ៍មួយ ក្រសួងការបរទេសអាេមរិកប្រកាសនាថ្ងៃទី១៩ កក្កដា ថា ចំនួនការវាយប្រហារភេរវកម្មលើពិភពលោកមានការចុះថយក្នុងឆ្នាំ២០១៦ គឺ២ឆ្នាំជាប់ៗគ្នា ។
យោងតាមបណ្តាទិន្នន័យប្រមូលដោយសាកលវិទ្យាល័យ MARYLAND សម្រាប់ក្រសួងការបរទេសអាេមរិកថា ក្នុងឆ្នាំ២០១៦ មានការវាយប្រហារភេរវកម្ម១១.០៧២លើកលើពិភពលោក បណ្តាលឱ្យមនុស្សស្លាប់ជាង២៥.៦០០នាក់ ។ ក្នុងចំណោមអ្នកស្លាប់ទាំងនេះ៦.៧០០នាក់ជាពួកអ្នកវាយប្រហារ ។
ក្រសួងការបរទេសអាេមរិកបញ្ជាក់ថា ចំនួននៃការវាយប្រហារភេរវកម្មនាឆ្នាំ២០១៦ មានការចុះថយ៩% បើប្រៀបធៀបទៅនឹងឆ្នាំ២០១៥ ហើយចំនួនជនរងគ្រោះចុះថយ១៣% ។ អង្គការក្រុមរដ្ឋអ៊ិស្លាមជាក្រុមវាយប្រហារភេរវកម្មបង្ហូរឈាមច្រើនជាងគេក្នុងឆ្នាំ២០១៦ ។ ក្នុងឆ្នាំ២០១៦ ក្រុមនេះបង្កឱ្យមានមនុស្សស្លាប់៦៩% លើសកាលពីឆ្នាំ២០១៥ ហើយជាអ្នកទទួលខុសត្រូវលើជា២០% នៃការវាយប្រហារភេរវកម្មនៅអីុរ៉ាក់ ។
ការវាយប្រហារភេរវកម្មត្រូវបានជំរឿនក្នុងប្រទេស១០៤ ។ ប្រទេស៥ មានការវាយប្រហារភេរវកម្មច្រើនជាងគេគឺអីុរ៉ាក់ អាហ្វហ្គានីស្ថាន ឥណ្ឌា ប៉ាគីស្ថាន និងហ្វ៊ីលីពីន ។
ជនរងគ្រោះជិត៧៥% ស្លាប់នៅអុីរ៉ាក់ អាហ្វហ្គានីស្ថាន ស៊ីរី នីហ្សេរីយ៉ា និងប៉ាគីស្ថាន ។ ក្នុងឆ្នាំ២០១៥ មានការវាយប្រហារភេរវកម្ម១១.១៧៤លើកលើពិភពលោក តំណាងឱ្យការចុះថយ១៣% បើប្រៀបធៀបទៅនឹងឆ្នាំ២០១៤ ហើយមានជនរងគ្រោះ២៨.៣០០នាក់ គឺ១៤% ទាបជាងកាលពីឆ្នាំ២០១៤ ៕
ចែករំលែកព័តមាននេះ