រាជធានីភ្នំពេញ៖ បន្ទាប់ពីបញ្ចប់ជំនួបពិភាក្សាទ្វេភាគី សម្តេចតេជោ នាយករដ្ឋមន្ត្រី ហ៊ុន សែន និងឯកឧត្តម ង្វៀន ហ្វ៊ូជុង អគ្គលេខាធិការគណៈកម្មាធិការបក្សកុម្មុយនីសវៀតណាម បានចូលរួមជា
រាជធានីភ្នំពេញ៖ បន្ទាប់ពីបញ្ចប់ជំនួបពិភាក្សាទ្វេភាគី សម្តេចតេជោ នាយករដ្ឋមន្ត្រី ហ៊ុន សែន និងឯកឧត្តម ង្វៀន ហ្វ៊ូជុង អគ្គលេខាធិការគណៈកម្មាធិការបក្សកុម្មុយនីសវៀតណាម បានចូលរួមជាសក្ខីភាពក្នុងពិធីចុះហត្ថលេខាលើឯកសាររវាងប្រទេសកម្ពុជា និងវៀតណាម មានដូចជា៖
១. សេចក្តីថ្លែងការណ៌រួម ស្តីពីការពង្រឹងមិត្តភាព និងកិច្ចសហប្រតិបត្តិការរវាងកម្ពុជា និងវៀតណាម ដែលចុះហត្ថលេខាដោយ រដ្ឋមន្ត្រីការបរទេសវៀតណាម ឯកឧត្តម ឧបនាយករដ្ឋមន្ត្រី ផាម ប៊ិញមិញ និង រដ្ឋមន្ត្រីការបរទេសនិងសហប្រតិបត្តិការអន្តរជាតិកម្ពុជា ឯកឧត្តម ទេសរដ្ឋមន្ត្រី ប្រាក់ សុខុន !
២. ក្របខ័ណ្ឌកិច្ចព្រមព្រៀងរួម រវាងរាជរដ្ឋាភិបាលកម្ពុជា និងរដ្ឋាភិបាលវៀតណាម ស្តីពីការតភ្ជាប់សេដ្ឋកិច្ចកម្ពុជា -វៀតណាម ដែលចុះហត្ថលេខាដោយ រដ្ឋមន្ត្រីក្រសួងផែនការ និងវិនិយោគ ឯកឧត្តម ង្វៀន ជីយ៉ុង និង រដ្ឋមន្ត្រីក្រសួងផែនការកម្ពុជា ឯកឧត្តម ទេសរដ្ឋមន្ត្រី ឆាយ ថន!
៣. អនុស្សារណៈនៃការយោគយល់គ្នា ស្តីពី កិច្ចសហប្រតិបត្តិការអភិវឌ្ឍន៌គម្រោងរោងចក្រអគ្គិសនី ការតភ្ជាប់បណ្តាញបញ្ជូនអគ្គិសនី និងពាណិជ្ជកម្មថាមពល ដែលចុះហត្ថលេខាដោយ រដ្ឋមន្ត្រីក្រសួងឧស្សាហកម្ម និងពាណិជ្ជកម្មវៀតណាម ឯកឧត្តម ត្រាន់ តួនអាញ់ និងរដ្ឋមន្ត្រីក្រសួងរ៉ែ និងថាមពល ឯកឧត្តម ស៊ុយ សែម ។
៤. សកម្មភាពសង្គ្រោះគ្រោះមហន្តរាយអចិន្រៃយ៍នៅតាមតំបន់ព្រំដែនគោក ដែលចុះហត្ថលេខាដោយ អនុរដ្ឋមន្ត្រីក្រសួងការពារជាតិវៀតណាម ឯកឧត្តម ង្វៀន ជីវិញ និង រដ្ឋលេខាធិការក្រសួងការពារជាតិកម្ពុជា ឯកឧត្តម នាង ផាត !
៥. អនុស្សារណៈនៃការយោគយល់គ្នា រវាងវិទ្យាស្ថានប្រៃសណីយ៌ ទូរគមនាគមន៌ បច្ចេកវិទ្យាគមនាគមន៌និងព័ត៌មាន ( NIPTICT)នៃក្រសួងប្រៃសណីយ៌ ទូរគមនាគមន៌កម្ពុជា ជាមួយក្រុមហ៊ុនវៀតធែលកម្ពុជា ភីធីអីុ អិុលធីឌី ( VIETTEL Cambodia PTE.,LTD) ដែលចុះហត្ថលេខាដោយ អគ្គនាយកក្រុមហ៊ុនវៀតធែលកម្ពុជា លោក ង្វៀន ថាញ់ញឿង និង ប្រធានវិទ្យាស្ថានប្រៃសណីយ៍ ឯកឧត្តម សេង សុភាព ។
ចែករំលែកព័តមាននេះ