AFPកាលពីថ្ងៃទី១៨ កក្កដា ២០១៧ ផ្សាយថា សិង្ហបុរីបានចាត់ទុកអាពាហ៍ពិពាហ៍របស់ប្តីប្រពន្ធមួយគូរជាមោឃៈក្រោយពីប្តីវះកាត់កែភេទប្រឆាំងលើច្បាប់របស់រដ្ឋ ។
«ស្រេ្តតថាម» របស់សិង្ហបុរីផ្សាយថា គូស្នេហ៍មួយគូបានរៀបការកាលពីពេលថ្មីៗកន្លងទៅ ប៉ុន្តែប្តីបែរជាវះកាត់កែភេទ និងប្តូរភេទនៅក្នុងអត្តសញ្ញាណប័ណ្ណជា«ស្ត្រី»។
នៅពេលពួកគេទិញផ្ទះដែលសាងសង់ដោយរដ្ឋាភិបាល ពួកគេត្រូវបញ្ជាក់ប្រាប់អាជ្ញាធរដូចគូស្នេហ៍ផ្សេងទៀត ដែលបានទទួលប្រាក់ឧបត្ថម្ភពីរដ្ឋាភិបាល ។
អាពាហ៍ពិពាហ៍របស់ពួកគេត្រូវចាត់ទុកជាមោឃៈ ព្រោះខ្វះគុណសម្បត្តិលើការទិញផ្ទះ ។ អង្គភាពចុះឈ្មោះអាពាហ៍ពិពាហ៍របស់សិង្ហបុរីបញ្ជាក់ថា ពួកគេគ្មានព័ត៌មានលម្អិតទាក់ទងភាពប្តី-ប្រពន្ធតាមច្បាប់របស់ប្រទេស ដោយច្បាប់ចែងថា ការរៀបការត្រូវមានស្ថានភាពរស់នៅរួមគ្នាជាបុរស និងស្ត្រី ។
ច្បាប់របស់សិង្ហបុរីមិនទទួលស្គាល់អាពាហ៍ពិពាហ៍ភេទដូចគ្នា ព្រោះសិង្ហបុរីជាប្រទេសអភិរក្សប្រពៃណី ៕
ចែករំលែកព័តមាននេះ