ខេត្តបាត់ដំបង ៖ សេចក្តីរាយការណ៍ឱ្យដឹងថា កាលពីវេលាម៉ោង០៦ និង៣៥នាទីយប់ថ្ងៃទី១៨ កក្កដា ស្ថិតត្រង់ចំណុចព្រះនរាយណ៍ ក្នុងក្រុមទី១ ភូមិផ្កាស្លា សង្កាត់ចំការសំរោង ក្រុងបាត់ដំបង មានការចុះបង្ក្រាបករណីគ្រឿងញៀនមួយបានយ៉ាងជោគជ័យ
ខេត្តបាត់ដំបង ៖ សេចក្តីរាយការណ៍ឱ្យដឹងថា កាលពីវេលាម៉ោង០៦ និង៣៥នាទីយប់ថ្ងៃទី១៨ កក្កដា ស្ថិតត្រង់ចំណុចព្រះនរាយណ៍ ក្នុងក្រុមទី១ ភូមិផ្កាស្លា សង្កាត់ចំការសំរោង ក្រុងបាត់ដំបង មានការចុះបង្ក្រាបករណីគ្រឿងញៀនមួយបានយ៉ាងជោគជ័យ ដែលមានការសហការពីកម្លាំងបង្ការបង្ក្រាប និងកម្លាំងការិយាល័យប្រឆាំងគ្រឿងញៀន ក្នុងនោះធ្វើការឃាត់ខ្លួនយុវជនម្នាក់ រួមទាំងដកហូតបានវត្ថុតាងផងដែរ។
សេចក្តីរាយការណ៍បន្តថា ជនសង្ស័យមានឈ្មោះចាន់ រស្មី ហៅខ្មៅ អាយុ១៨ឆ្នាំ មានទីលំនៅក្នុងភូមិដំណាក់ សង្កាត់កំពង់ដំណាក់ ខណ្ឌត្បែងមានជ័យ ខេត្តព្រះវិហារ ។ រីឯវត្ថុដកហូតមានប្រភេទមេតំហ្វេតាមីន (ICE ទឹកកក) ១ថង់ទម្ងន់១០២.១០ក្រាម ទាំងសំបក, ទូរស័ព្ទដៃចាស់១គ្រឿង, នាឡិកាដៃ១ និងកាបូបដាក់លុយ១ផង ។ បច្ចុប្បន្ន ជនសង្ស័យត្រូវបានកម្លាំងកសាងសំណុំរឿង ដើម្បីបញ្ជូនទៅតុលាការបន្ត ។
ចែករំលែកព័តមាននេះ