ខេត្តកែប ៖ ក្រុមការងាររបស់សាលាខេត្តកែប ដឹកនាំដោយលោក កែន សត្ថា អភិបាល នៃគណៈអភិបាលខេត្តកែប កាលពីថ្ងៃទី១៨ ខែកក្កដា ឆ្នាំ២០១៧ បានដឹកនាំក្រុមការងារខេត្ត នាំយកអំណោយសាខាកាកបាទក្រហមខេត្តកែប
ខេត្តកែប ៖ ក្រុមការងាររបស់សាលាខេត្តកែប ដឹកនាំដោយលោក កែន សត្ថា អភិបាល នៃគណៈអភិបាលខេត្តកែប កាលពីថ្ងៃទី១៨ ខែកក្កដា ឆ្នាំ២០១៧ បានដឹកនាំក្រុមការងារខេត្ត នាំយកអំណោយសាខាកាកបាទក្រហមខេត្តកែប ជូនក្រុមគ្រួសារជនរងគ្រោះជួបប្រទះខ្យល់កន្ត្រាក់ កាលពីថ្ងៃទី១៧ ខែកក្កដា ឆ្នាំ២០១៧ ដែលបណ្តាលឲ្យផ្ទះរំកិលចេញពីតាង បណ្តាលឲ្យខូចស័ង្កសីចំនួន0៧សន្លឹក ម្ចាស់ផ្ទះឈ្មោះ ប៉ែន ខុន ភេទប្រុស អាយុ២៥ឆ្នាំ មុខរបរកសិករ ប្រពន្ធឈ្មោះ ម៉េត សុខនៅ អាយុ៣០ឆ្នាំ មុខរបរកសិករ រស់នៅភូមិអូរក្រសារ សង្កាត់អូរក្រសារ ក្រុងកែប ខេត្តកែប ។
សម្ភាររួមមាន ៖ អង្ករចំនួន៥០គីឡូក្រាម, ទឹកត្រី២យួរ, មី១កេស, ត្រីខ២យួរ រួមនឹងថវិកាចំនួន៤០ម៉ឺនរៀលផងដែរ ។ លោកអភិបាលខេត្ត បានផ្តាំផ្ញើដល់បងប្អូនប្រជាពលរដ្ឋទាំងអស់ ដែលរស់នៅក្នុងមូលដ្ឋានខាងលើឲ្យបង្កើនការប្រុងប្រយ័ត្នខ្ពស់ នៅពេលមានភ្លៀង និងខ្យល់កន្ត្រាក់ម្តងៗ ដើម្បីកុំឲ្យជួបគ្រោះថ្នាក់ដល់បងប្អូន ដែលបង្កឡើងដោយគ្រោះធម្មជាតិខាងលើ ៕
ចែករំលែកព័តមាននេះ