បង្គោលប៉ាន់ណូបុណ្យទន្លេបាក់ទ្រេតច្រើនខណៈប្រជាពលរដ្ឋបារម្ភពីសុវត្ថិភាព(មានវីដេអូ)
ខេត្តស្ទឹងត្រែង ៖ ប្រជាពលរដ្ឋស្ទឹងត្រែងយល់ថា អាជ្ញាធរក្រុង និងមន្ទីរជំនាញគួរមានវិធានការកែលម្អចៀងវាងមានការិះកាន់តែខ្លាំង
ខេត្តស្ទឹងត្រែង ៖ ប្រជាពលរដ្ឋស្ទឹងត្រែងយល់ថា អាជ្ញាធរក្រុង និងមន្ទីរជំនាញគួរមានវិធានការកែលម្អចៀងវាងមានការិះកាន់តែខ្លាំង ខណៈបង្គោល និងផ្ទាំងផ្សព្វផ្សាយពាណិជ្ជកម្មពិធីបុណ្យដែលបញ្ចប់ទៅអំឡុងប៉ុន្មានខែកន្លងមកនេះត្រូវបានបាក់ទ្រេត និងប្រេះស្រាំជាច្រើនកន្លែងតាមបណ្តោយផ្លូវក្នុងក្រុង និងមាត់ទន្លេ ។
ប្រជាពលរដ្ឋដែលបានឆ្លងកាត់ក្រោមស្លាកទាំងនោះតែងមានការបារម្ភអំពីសុវត្ថិភាពថា បង្គោល និងស្លាកដែលបានបាក់ទ្រេតទាំងនោះអាចបង្កគ្រោះថ្នាក់ដោយយថាហេតុណាមួយនៅពេលដែលវាមិនអាចទ្រាំទ្រទៅនឹងភ្លៀង និងខ្យល់ខ្លាំងវាយប្រហាម្តងហើយម្តងទៀត ។ ប្រជាពលរដ្ឋក្បែនោះបានរំលឹកថា បង្គោល និងស្លាកផ្សព្វផ្សាយពាណិជ្ជកម្មពិធីបុណ្យទន្លេទាំងនោះបាក់ទ្រេត និងប្រេះស្រាំគ្រាថ្ងៃមួយមានភ្លៀង និងខ្យល់បក់បោកខ្លាំងបើគិតត្រឹមថ្ងៃទី១៧ ខែកក្កដា ឆ្នាំ២០១៧ នេះចូលជិតមួយខែមកហើយ ហើយក្រោយបាក់ទ្រេតនោះពួកគាត់ក៏ទៅជម្រាប់ដល់អាជ្ញាធរក្រុងផងដែរ តែរហូតដល់ថ្ងៃនេះបង្គោលនៅតែបង្គោលស្លាកបាក់ទ្រេតនៅតែបាក់ទ្រេតដដែលមានតែមន្ត្រីនគរបាលសណ្តាប់ធ្នាប់ប៉ុណ្ណោះដែលមកពិនិត្យ ។
មន្ត្រីនគរបាលសណ្តាប់ធ្នាប់ក្រុងស្ទឹងត្រែងឱ្យដឹងថា បង្គោល និងស្លាកប៉ាន់ណូដែលបាក់ទ្រេតទាំងនោះមាន៦ផ្ទាំងនៅតាមបណ្តោយមាត់ទន្លេចាប់ពីមន្ទីរសាធារណៈការ និងដឹកជញ្ជូនខេត្តទៅដល់ភូមិបាចុងមាន៤ផ្ទាំងនៅក្បែបញ្ជាការយោធាក្រុងស្ទឹងត្រែងមួយផ្ទាំងនិងនៅក្បែអធិការក្រុងស្ទឹងត្រែងមួយផ្ទាំង ។ មន្ត្រីនគរបាលសណ្តាប់ធ្នាប់ដដែលបន្តថា តាមការពិនិត្យបង្គោលទាំងនោះមានប្រេះស្រាំចំណែកស្លាកបាក់ទ្រេតដោយសារខ្យល់ ៕
ចែករំលែកព័តមាននេះ