ជាញឹកញាប់យើងតែងតែប្រើទឹកលាងដៃបន្ទាប់ពីចូលទៅក្នុងបង្គន់សាធារណៈព្រោះយើងខ្លាចការឆ្លងមេរោគ ។ ការភ័យខ្លាចពិតជាត្រឹមត្រូវ ប៉ុន្តែតើអ្នកដឹងទេថានៅមានរបស់ជាច្រើនទៀតដែលមានគ្រោះថ្នាក់ជាងបង្គន់ទៅទៀត ?
ខាងក្រោមនេះគឺជារបស់៥ប្រភេទដែលកខ្វក់ជាងបង្គន់ទៅទៀត ៖
១-ច្រាសដុសធ្មេញ
ភ្ញាក់ផ្អើលមែនទេ ? បន្ទាប់ពីអ្នកចាក់ទឹកបង្គន់ បាក់តេរីអាចធ្វើដំណើរបានរហូតដល់ទៅកម្ពស់៦ហ្វ៊ីត និងអណ្តែតក្នុងខ្យល់រហូតដល់២ ម៉ោង ហេតុដូចនេះវាអាចតោងនៅលើច្រាសដុសធ្មេញបាន ។
២-កន្សែង និងអេប៉ុងក្នុងផ្ទះបាយ
ពួកវាមានបាក់តេរី១០លានក្នុងមួយអុីងការ៉េ និងកខ្វក់ជាងកៅអីបង្គន់២០០.០០០ដង។ ពួកវាអាចប៉ះពាល់ដល់សុខភាពយ៉ាងខ្លាំង ។
៣-ជ្រញ់
ជ្រញ់សម្រាប់សាច់ឆៅមានបាក់តេរីច្រើនខ្លាំងណាស់ ហើយពួកវាពិតជាបង្កគ្រោះថ្នាក់ដល់សុខភាពរបស់យើង ។ ជាមធ្យមជ្រញ់មានបាក់តេរី២០០ដងច្រើនជាងបង្គន់មួយ ។
៤-ម៉ឺនុយក្នុងភោជនីយដ្ឋាន
ម៉ឺនុយជាញឹកញាប់ជារបស់ដែលត្រូវបានគេសម្អាតតិចតួចបំផុត ហេតុដូចនេះវាមានបាក់តេរីជាច្រើនក្រៃលែងនៅលើវា ។ នៅពេលដែលយើងប្រៀបធៀបវាទៅនឹងបង្គន់ ពួកវាមានបាក់តេរីច្រើនជាង១0ដង ដែលវាអាចនឹងបង្កគ្រោះថ្នាក់ដល់សុខភាពរបស់យើង ។
៥-តុការិយាល័យ
ភ្ញាក់ផ្អើលខ្លាំងមែនទេ ? តើវាជាកន្លែងដែលអ្នកចំណាយពេលច្រើនជាងគេមែនទេ ? ការស្រាវជ្រាវបានបង្ហាញថាតុការិយាល័យមានបាក់តេរី៤០០ដងច្រើនជាងកៅអីបង្គន់ ហើយវីរុសផ្តាសាយគឺមានច្រើនបំផុតនៅលើតុការិយាល័យ ៕
ចែករំលែកព័តមាននេះ