ខេត្តកំពង់ឆ្នាំង ៖ សេចក្តីរាយការណ៍បឋមឱ្យដឹងថា សាកសពបុរសមិនស្គាល់អត្តសញ្ញាណម្នាក់ ត្រូវជនមិនស្គាល់មុខយកទៅទម្លាក់ចោលនៅលើផ្លូវអាល្លឺម៉ង់ ស្ថិតក្នុងភូមិគោកស្តៅ ឃុំទឹកហូត ស្រុករលាប្អៀរ បង្កការភ្ញាក់ផ្អើលកាលពីវេលាម៉ោង០៧ និង៣០នាទីយប់ថ្ងៃទី១៦ កក្កដា ។ សាកសពមានអាយុប្រមាណជាង៤០ឆ្នាំ រាងធាត់ ស្លៀកខោគគីរពណ៌ដី ពាក់អាវ.សដៃខ្លី ។
សមត្ថកិច្ចនគរបាលឱ្យដឹងថា ជនរងគ្រោះត្រូវឃាតករបាញ់សម្លាប់រួចយកសពមកទម្លាក់ចោលនៅកន្លែងនេះ ។ សមត្ថកិច្ចនៅមិនទាន់ដឹងថា ជាករណីនេះ ជាអំពើប្លន់ ឬគំនុំនោះទេ ដោយកំពុងធ្វើការស្រាវជ្រាវបន្ត ។ តែយ៉ាងណា ប្រសិនបើបងប្អូនណា មានបាត់សមាជិកដូចភិនភាគខាងលើ សូមទំនាក់ទំនងមកសមត្ថកិច្ស្រុករលាប្អៀរ ។
ចែករំលែកព័តមាននេះ