ស្លា.ប់ម្នាក់របួស៣នាក់ ខណៈម៉ូតូនឹងម៉ូតូបុកគ្នា
ខេត្តព្រះសីហនុ ៖ យ៉ាងហោចណាស់មានមនុស្សម្នាក់បានស្លា.ប់នៅនឹងកន្លែង ខណៈ៣នាក់ទៀតបានរងរបួសធ្ងន់ស្រាល
ខេត្តព្រះសីហនុ ៖ យ៉ាងហោចណាស់មានមនុស្សម្នាក់បានស្លា.ប់នៅនឹងកន្លែង ខណៈ៣នាក់ទៀតបានរងរបួសធ្ងន់ស្រាល
ខេត្តព្រះសីហនុ ៖ យ៉ាងហោចណាស់មានមនុស្សម្នាក់បានស្លាប់នៅនឹងកន្លែង ខណៈ៣នាក់ទៀតបានរងរបួសធ្ងន់ស្រាល ក្នុងហេតុការណ៍គ្រោះថ្នាក់ចរាចរណ៍មួយកើតឡើងរវាងម៉ូតូនឹងម៉ូតូក្នុងទិសបញ្ច្រាសគ្នា។ ហេតុការណ៍នេះបានកើតមានឡើងកាលពីថ្ងៃទី១៥ កក្កដា ២០១៧នេះ នៅតាមណ្តោយផ្លូវជាតិលេខ៤ ចន្លោះគីឡូម៉ែត្រលេខ១០៧-១០៨ ស្ថិតក្នុងភូមិស្មាច់ដែង ឃុំរាម ស្រុកព្រៃនប់។
តាមប្រភពពីសមត្ថកិច្ចជំនាញស្រុកបានឲ្យដឹងថា គ្រោះថ្នាក់នេះបានកើតឡើងរវាងម៉ូតូ១គ្រឿង ម៉ាកស្មាសរីវ៉ូ ពណ៌ខ្មៅ ពាក់ស្លាកលេខ ២H-០៤២៦ បើកបរក្នុងទិសដៅពីខេត្តព្រះសីហនុទៅភ្នំពេញ មកដល់ចំនណុចកើតហេតុ បានរេចង្កូតទៅខាងឆ្វេងដៃខ្លួន ហើយបានទៅបុកនឹងម៉ូតូមួយគ្រឿងទៀតក្នុងទិសដៅបញ្ច្រាសគ្នា ម៉ាកអ៊ែប្លែក ពណ៌ស គ្មានស្លាកលេខ បណ្តាលឲ្យអ្នកបើកបរឈ្មោះ សុខ គង់ ភេទប្រុស អាយុ៣៨ឆ្នាំ ស្លាប់នៅនឹងកន្លែង និងអ្នករួមដំណើរ ២នាក់ទៀតរងរបួសធ្ងន់ស្រាល អ្នកទាំង៣នេះ ស្នាក់នៅបណ្តោះអាសន្នក្នុងសង្កាត់១ ក្រុង/ខេត្តព្រះសីហនុ។
ចំណែកអ្នកបើបរឈ្មោះ ម៉ា អ៊ៀក ភេទប្រុស អាយុ២២ឆ្នាំ មានទីលំនៅភូមិដូនលយ ឃុំបឹងតាព្រហ្ម ស្រុកព្រៃនប់ បានរងរបួសធ្ងន់ ហើយបានបញ្ជូនសង្គ្រោះបន្តនៅភ្នំពេញ។ វត្ថុតាងត្រូវបានសមត្ថកិច្ចយកមករក្សាទុកនៅអធិការដ្ឋាននគរបានស្រុកព្រៃនប់៕
ចែករំលែកព័តមាននេះ