រាល់ការធ្វើអត្តសញ្ញាណប័ណ្ណសញ្ជាតិខ្មែរ មិនមានបង់ប្រាក់ឡើយ
ខេត្តសៀមរាប ៖ នាថ្ងៃទី១៤ ខែកក្កដា ឆ្នាំ២០១៧ សមត្ថកិច្ចចម្រុះឱ្យអធិការនគរបាលក្រុងបានចុះសកម្មភាពទទួលបំពេញបែបបទធ្វើអត្តសញ្ញាបណ្ណ័សញ្ជាតិខ្មែរជូនប្រជាពលរដ្ឋ
ខេត្តសៀមរាប ៖ នាថ្ងៃទី១៤ ខែកក្កដា ឆ្នាំ២០១៧ សមត្ថកិច្ចចម្រុះឱ្យអធិការនគរបាលក្រុងបានចុះសកម្មភាពទទួលបំពេញបែបបទធ្វើអត្តសញ្ញាបណ្ណ័សញ្ជាតិខ្មែរជូនប្រជាពលរដ្ឋ និងសិស្សានុសិស្ស របស់នគរបាលផ្នែកអត្តសញ្ញាណកម្មនៃអធិការដ្ឋាននគរបាលក្រុងសៀមរាបបានដាក់ ម៉ាស៊ីនថត និងក្រុមមន្ត្រីជំនាញ រង់ចាំទទួលបំពេញបែបបទធ្វើអត្តសញ្ញាបណ្ណ័សញ្ជាតិខ្មែរ តាមបណ្តាគ្រឹះស្ថានសិក្សា វិទ្យាល័យ និងសកលវិទ្យាល័យ ចំនួន៤ទីតាំង និងចំនួន៨ទីតាំងទៀត រក្សាបន្តសកម្មភាពនៅតាមបណ្តាទីតាំងប៉ុស្តិ៍នគរបាលរដ្ឋបាល ក្នុងក្រុងសៀមរាបទាំងអស់។
តាមប្រភពពីមន្ត្រីនគរបាលមូលដ្ឋានសង្កាត់សាលាកំរើក បានប្រាប់ថា យោងតាមការណែនាំរបស់លោកវរសេនីយ៍ឯក ទិត្យ ណារ៉ុង ស្នងការនៃស្នងការដ្ឋាននគរខេត្តសៀមរាប បានដាក់ផែនការសកម្មភាព ទទួលបំពេញបែបបទធ្វើអត្តសញ្ញាបណ្ណ័សញ្ជាតិខ្មែរ ត្រូវខិតឱ្យជិតបងប្អូនប្រជាពលរដ្ឋ ជាពិសេសយុវជនដែលទើបគ្រប់អាយុ ហើយផ្តល់សេវាធ្វើឱ្យបានលឿន និងទាន់ពេលវេលា។ ប្រភពបានបន្តថា ជាថ្មីម្តងទៀតអធិការដ្ឋាននគរបាលក្រុងសៀមរាប សូមគោរពអញ្ជើញ បងប្អូនប្រជាពលរដ្ឋ យុវជន សិស្សនិសិត្សរស់នៅក្នុងក្រុងសៀមរាបទាំងអស់ ដែលគ្រប់អាយុ និងមិនទាន់បានបំពេញបែបបទធ្វើអត្តសញ្ញាណប័ណ្ណសញ្ជាតិខ្មែរ សូមអញ្ជើញមកបំពេញបែបបទ ធ្វើអត្តសញ្ញាណ្ណសញ្ជាតិខ្មែរ ឱ្យបានគ្រប់ៗគ្នា។
សូមបញ្ជាក់បន្ថែម ការបំពេញបែបបទធ្វើអត្តសញ្ញាណបណ្ណ័សញ្ជាតិខ្មែរ បច្ចុប្បន្ននេះមិនតម្រូវឱ្យបង់ថវិកាទៀតឡើយ រាល់ការទំនាក់ទំនងតាមរយៈលេខទូរសព្ទ័របស់មន្ត្រីជំនាញ០១២ ៦៩ ២៣ ២៤ ប្រសិនបើ មានមន្ត្រីណាម្នាក់ ជាអ្នកយកលុយពីបងប្អូនប្រជាពលរដ្ឋ ឬ សិស្សានុសិស្ស ទាំងនោះ សូមទំនាក់ទំនង មកលេខទូរស័ព្ទ របស់លោកវរសេនីយ៍ឯក ទិត្យ ណារ៉ុង ស្នងការនគរបាលខេត្តសៀមរាប ទើបឡើងថ្មី ០១២ ៦៣០ ៦៤១
ចែករំលែកព័តមាននេះ