ប្រហែលជាអត់លិឍពិបាករកសង្សារ ទើបបង្កើតមនុស្សយន្តស្រីធ្វើជាសង្សារ
បុរសជនជាតិកាណាដាម្នាក់ដែលជាមនុស្សមានគំនិតច្នៃប្រឌិតបំផុតផលិតបានមនុស្សយន្ដជាមនុស្សស្រី
បុរសជនជាតិកាណាដាម្នាក់ដែលជាមនុស្សមានគំនិតច្នៃប្រឌិតបំផុតផលិតបានមនុស្សយន្ដជាមនុស្សស្រីមួយដើរដោយចរន្ដអគ្គិសនី ហើយបានយកមនុស្សយន្ដនេះធ្វើជាមិត្ដស្រីរបស់គាត់តែម្ដង ។ ដោយចាត់ទុកមនុស្សយន្ដស្រីនេះជាមនុស្សសំខាន់បំផុតរបស់ខ្លួនបុរសកាណាដារូបនេះដែលមានឈ្មោះថា Le Trung អាយុ៣៤ឆ្នាំ រស់នៅក្នុងទីក្រុងអង់តារីយ៉ូ កាលពីពេលថ្មីៗកន្លងមកបានរីករាយក្នុងថ្ងៃបុណ្យគ្រីសស្មាស់ដោយអង្គុយឱ្យគេថតជា មួយមនុស្សយន្ដស្រីនេះប្រៀបដូចជាគូសង្សារមួយគូដែលស្រលាញ់គ្នាបំផុត ។
មនុស្សយន្ដស្រីនេះមានឈ្មោះថា Aiko មានលក្ខណៈដូចមនុស្សពិតអាចនិយាយភាសាអង់គ្លេស និងភាសាជប៉ុនបានយ៉ាងល្អ ហើយនៅថ្ងៃបុណ្យគ្រីសស្មាស់ដែលទើបតែកន្លងផុតទៅ លោក Le Trung បានទិញ វត្ថុអនុស្សាវរីយ៍ជាច្រើនសំរាប់នាង ។ មនុស្សយន្ដស្រីឈ្មោះ Aiko នេះ ដែលជាភាសាជប៉ុន មានន័យថា «នារីគួរឱ្យស្រលាញ់» អាចនិយាយភាសាអង់គ្លេសនិងភាសាជប៉ុនបាន១៣.០០០ប្រយោគអាចស្គាល់មុខមនុស្ស និងចេះនិយាយពាក្យថា «សួស្ដី» ទៅកាន់មនុស្សដែលនាងបានជួប ។ លោក Le Trung បានផលិតមនុស្សយន្ដនេះដោយដៃ និងចំណាយប្រាក់អស់ចំនួន ៣០.០០០ ផោន ៕
ចែករំលែកព័តមាននេះ