កូរ៉េខាងជើង ៖ បណ្តាញអុីនធើរណេត «38 NORTH» គូសបញ្ជាក់ថា បណ្តារូបភាពថ្មីៗនៃទីតាំងនុយក្លេអ៊ែរកូរ៉េខាងជើងបង្ហាញថា ក្រុងព្រុងយ៉ាងប្រហែលជាផលិតសម្រាប់កម្មវិធីគ្រឿងសព្វាវុធរបស់ខ្លួន
កូរ៉េខាងជើង ៖ បណ្តាញអុីនធើរណេត «38 NORTH» គូសបញ្ជាក់ថា បណ្តារូបភាពថ្មីៗនៃទីតាំងនុយក្លេអ៊ែរកូរ៉េខាងជើងបង្ហាញថា ក្រុងព្រុងយ៉ាងប្រហែលជាផលិតសម្រាប់កម្មវិធីគ្រឿងសព្វាវុធរបស់ខ្លួននូវផ្លុយតូនីញ៉ូមច្រើនជាងការប៉ាន់ប្រមាណនាពេលនេះ ខណៈមហិច្ឆតាយោធារបស់របបកុំមុយនីស្តនេះបង្កើនភាពតានតឹងក្នុងតំបន់ ។
បណ្តាញអីុនធើរណេតនោះដែលផ្តោតលើរឿងកូរ៉េខាងជើង ហើយចំណុះឱ្យសាកលវិទ្យាល័យ JOHNS HOPKINS នៅក្រុងវ៉ាស៊ីនតោនរាយការណ៍កាលពីថ្ងៃទី១៤ កក្កដា ថា បណ្តារូបភាពនៃមជ្ឈមណ្ឌលនុយក្លេអ៊ែរ YONGBYON នាំឱ្យគេយល់ថា ក្រុងព្យុងយ៉ាងបានចម្រាញ់ផ្លុយតូនីញ៉ូមយ៉ាងតិច២ដងរវាងខែកញ្ញា ឆ្នាំ២០១៦ និងខែមិថុនា ឆ្នាំ២០១៧ ។ «38 NORTH» បន្តថា ប្រហែលជាមានយុទ្ធនាការចម្រាញ់២លើកសម្រាប់ផលិតបរិមាណមិនអាចកំណត់បានមួយនៃផ្លុយតូនីញ៉ូម ដែលអាចបង្កើនថែមទៀតការស្តុកអាវុធនុយក្លេអ៊ែររបស់កូរ៉េខាងជើង ។
កូរ៉េខាងជើងធ្លាប់ផ្អាកដំណើរការនៃរេអាក់ទ័រ YONGBYON កាលពីឆ្នាំ២០០៧ ក្នុងក្របខណ្ឌនៃកិច្ចព្រមព្រៀងមួយស្តីពីការរំសាយគ្រឿងសព្វាវុធជាថ្នូរនឹងជំនួយមនុស្សធម៌ ។ ក្រុងព្យុងយ៉ាងចាប់ផ្តើមការងារជួសជុលកែលម្អទីតាំងនេះវិញ ក្រោយការសាកល្បងនុយក្លេអ៊ែរលើកទី៣របស់ខ្លួនកាលពីឆ្នាំ២០១៣ ៕
ចែករំលែកព័តមាននេះ