មន្ត្រីកាំកុងត្រូលចុះពិនិត្យទំនិញក្នុងផ្សារទានភ្លើងទទួលបានការគាំទ្រ
ខេត្តព្រៃវែង ៖ ទំនិញខូចគុណភាពជាច្រើនមុខត្រូវបានមន្ត្រីជំនាញកាំកុងត្រូលសាខាខេត្តព្រៃវែងរកឃើញ
ខេត្តព្រៃវែង ៖ ទំនិញខូចគុណភាពជាច្រើនមុខត្រូវបានមន្ត្រីជំនាញកាំកុងត្រូលសាខាខេត្តព្រៃវែងរកឃើញ
ខេត្តព្រៃវែង ៖ ទំនិញខូចគុណភាពជាច្រើនមុខត្រូវបានមន្ត្រីជំនាញកាំកុងត្រូលសាខាខេត្តព្រៃវែងរកឃើញ និងដកហូតយកទៅបំផ្លាញចោលនៅក្នុងពេលចុះទៅត្រួតពិនិត្យនៅតាមស្តង់លក់ដូរជាច្រើនទាំងនៅតាមផ្ទះ និងនៅក្នុងផ្សារទានភ្លើង ក្នុងស្រុកកំចាយមារ ។
សកម្មភាពចុះពិនិត្យគុណភាពទំនិញនេះធ្វើឡើងក្នុងគោលបំណងដើម្បីការពារសុខមាលភាពជូនប្រជាពលរដ្ឋ និងរួមចំណែកលើកស្ទួយសេដ្ឋកិច្ចជាតិផងដែរជាមួយគ្នានេះមន្ត្រីកាំកុងត្រូលបានធ្វើការពន្យល់ណែនាំ និងបង្ហាញដល់ក្រុមអាជីវករអំពីវិធីសាស្ត្រថែទាំ ការដាក់តាំងលក់ និងការរក្សាទុកមុខទំនិញឱ្យស្របទៅតាមលក្ខខណ្ឌ និងផ្តោតទៅលើអនាម័យផងដែរ ព្រមទាំងបានបង្រៀនក្រុមអាជីវករ និងប្រជាពលរដ្ឋ អំពីរបៀបមើលកាលបរិច្ឆេទនៃទំនិញ សំរាប់ជាគុណប្រយោជន៍ដល់សុខភាពរបស់អ្នកប្រើប្រាស់ទៀតផង ។
ប៉ុន្តែអ្វីដែលគួរឱ្យចាប់អារម្មណ៌នោះនៅក្នុងពេលចុះត្រួតពិនិត្យនោះគឺក្រុមអាជីវករ និងប្រជាពលរដ្ឋបានសំដែងនូវការគាំទ្រយ៉ាងខ្លាំងហើយបានស្នើសុំឱ្យមន្ត្រីជំនាញកាំកុងត្រូលបន្តចុះត្រួតពិនិត្យគុណភាពទំនិញបែបនេះឱ្យបានច្រើនដង និងរៀងរាល់ខែព្រោះវាធ្វើឱ្យពួកគាត់មានទំនុកចិត្តថា អាហារដែលពួកគាត់ទទួលទានមានសុវត្ថិភាពសំរាប់សុខភាពរបស់ពួកគាត់គ្រប់ៗគ្នា ៕
ចែករំលែកព័តមាននេះ