អាវុធហត្ថខេត្តព្រៃវែងឃាត់ខ្លួនជនសង្ស័យ3នាក់
ខេត្តព្រៃវែង ៖ ក្រុមមុខសញ្ញាចែកចាយថ្នាំញៀនចំនួន៣នាក់នៅស្រុកកំចាយមារត្រូវបានកំលាំងអាវុធហត្ថខេត្តព្រៃវែងចាប់ឃាត់ខ្លួនកសាងសំណុំរឿង
ខេត្តព្រៃវែង ៖ ក្រុមមុខសញ្ញាចែកចាយថ្នាំញៀនចំនួន៣នាក់នៅស្រុកកំចាយមារត្រូវបានកំលាំងអាវុធហត្ថខេត្តព្រៃវែងចាប់ឃាត់ខ្លួនកសាងសំណុំរឿងបញ្ជូនទៅកាន់តុលាការបន្ទាប់ពីរកឃើញវត្ថុតាងថ្នាំញៀនចំនួន២កញ្ចប់នៅក្នុងខ្លួនរបស់ពួកគេ ព្រមជាមួយនឹងសម្ភារប្រើប្រាស់ថ្នាំញៀនមួយចំនួន ។ ប្រតិបត្តិការបង្ក្រាបករណីគ្រឿងញៀនខាងលើនេះបានធ្វើឡើងកាលពីវេលាម៉ោង១១និង៣០នាទីព្រឹក ថ្ងៃទី១៥ ខែកក្កដា នៅចំណុចភូមិស្វាយត្រៃ ឃុំជាច ស្រុកកំចាយមារ ខេត្តព្រៃវែង ។
ជនសង្ស័យដែលត្រូវបានឃាត់ខ្លួនទាំង៣នាក់ ទី១-ឈ្មោះ កុយ រិទ្ធ ភេទប្រុស អាយុ១៧ឆ្នាំ, ទី២-ឈ្មោះ កេន ចាន់ថា ភេទប្រុស អាយុ២៦ឆ្នាំ និងទី៣-ឈ្មោះ ឌីម សារី ភេទប្រុស អាយុ២៣ឆ្នាំ អ្នកទាំង៣មានទីលំនៅក្នុងឃុំជាច ស្រុកកំចាយមារ ខេត្តព្រៃវែង ។
មន្ត្រីអាវុធហត្ថខេត្តព្រៃវែងបានឱ្យដឹងថា ក្រោយពីស្តាប់ចម្លើយរបស់ជនសង្ស័យឈ្មោះ កេន ចាន់ថា និងដោយមានការអនុញ្ញាតិពីលោក មាស សុភក្តិ ព្រះរាជអាជ្ញាអមសាលាដំបូងខេត្តព្រៃវែងកំលាំងអាវុធហត្ថបានចុះទៅធ្វើការឆែកឆេរផ្ទះរបស់ជនសង្ស័យឈ្មោះ កេន ចាន់ថា បន្តទៀតហើយបានរកឃើញវត្ថុតាងមួយចំនួនទៀតដែលរួមមានសម្ភារសម្រាប់ជក់ថ្នាំមួយចំនួនដាវសាម៉ូរ៉ៃចំនួន១, សំបកថង់សម្រាប់ដាក់ថ្នាំញៀនចំនួន១០ និងដែកកេះចំនួន២ ៕
ចែករំលែកព័តមាននេះ