ការិយាល័យស្ថិតិជាតិ ៖ ចំនួនប្រជាជនចិន ធ្លាក់ចុះជាលើកដំបូងចាប់តាំងពីឆ្នាំ ១៩៦១
ចិន ៖ យោងតាមរបាយការណ៍ពីសារព័ត៌មាន The Guardian របស់ចក្រភពអង់គ្លេស ដែលបានចេញ
ចិន ៖ យោងតាមរបាយការណ៍ពីសារព័ត៌មាន The Guardian របស់ចក្រភពអង់គ្លេស ដែលបានចេញ
ចិន ៖ យោងតាមរបាយការណ៍ពីសារព័ត៌មាន The Guardian របស់ចក្រភពអង់គ្លេស ដែលបានចេញផ្សាយនៅថ្ងៃទី១៧ ខែមករា ឆ្នាំ២០២៣ បានឱ្យដឹងថា ចំនួនប្រជាជនចិនបានធ្លាក់ចុះជាលើកដំបូង នៅក្នុងរយៈពេល៦០ឆ្នាំ ពោលគឺចាប់តាំងពីឆ្នាំ ១៩៦១។
ការិយាល័យស្ថិតិជាតិចិន នៅថ្ងៃទី១៧ ខែមករា បានប្រកាសថា ប្រជាជនចិនសរុបមានចំនួន ១.៤១១៧៥ពាន់លាននាក់ នៅចុងឆ្នាំ ២០២២ បើធៀបនឹង ១.៤១២៦០ពាន់លាននាក់ កាលពីឆ្នាំមុន ដែលជាការធ្លាក់ចុះចំនួន ៨៥០,០០០នាក់។ វាបានសម្គាល់ការចាប់ផ្តើមនៃអ្វីដែលត្រូវបានរំពឹងថា នឹងជារយៈពេលដ៏យូរនៃការថយចុះចំនួនប្រជាជន បើទោះបីជាមានការខិតខំប្រឹងប្រែងរបស់រដ្ឋាភិបាល ដើម្បីផ្លាស់ប្តូរនិន្នាការនេះ យ៉ាងណាក៏ដោយ។
រដ្ឋាភិបាលចិន បានប្រើប្រាស់ពេលជាច្រើនឆ្នាំ ដោយព្យាយាមលើកទឹកចិត្តប្រជាជនខ្លួន ឱ្យមានកូនបន្ថែមទៀត និងទប់ទល់នឹងវិបត្តិប្រជាសាស្ត្រ ដែលកំពុងកើតឡើង ដោយសារចំនួនប្រជាជនវ័យចំណាស់។ គោលនយោបាយថ្មី បានស្វែងរកការបន្ធូរបន្ថយបន្ទុកផ្នែកហិរញ្ញវត្ថុ និងសង្គមនៃការចិញ្ចឹមបីបាច់កូន ឬជំរុញយ៉ាងសកម្មសម្រាប់ការមានកូនតាមរយៈការឧបត្ថម្ភធន និងការបន្ធូរបន្ថយពន្ធ ខណៈដែលខេត្តក្រុងខ្លះ បានប្រកាសបើកប្រាក់ជូនឪពុកម្តាយ ដែលមានកូនទី២ ឬទី៣។
កាលពីសប្តាហ៍មុន ទីក្រុង Shenzhen បានប្រកាសពីការលើកទឹកចិត្តផ្នែកហិរញ្ញវត្ថុដែលមានចំនួនសរុប ៣៧,៥០០យន់ ដែលស្មើនឹង ៥,៥៥០ដុល្លារអាមេរិក សម្រាប់គ្រួសារដែលមានកូន៣នាក់។
ទោះបីជាយ៉ាងណាក៏ដោយ បន្ទាប់ពីរយៈពេលជាច្រើនទសវត្ស នៃគោលនយោបាយមានកូនតែមួយ ដែលដាក់ទណ្ឌកម្មដោយបង្អាក់ការមានកូនច្រើន និងការកើនឡើងតម្លៃនៃការរស់នៅបែបទំនើប ការតស៊ូនៅតែមានក្នុងចំណោមគូស្វាមីភរិយា។
នៅក្នុងសន្និសីទសារព័ត៌មាន នៅថ្ងៃទី១៧ ខែមករា នេះ លោក Kang Yi ប្រធានការិយាល័យស្ថិតិជាតិបាននិយាយថា «ការផ្គត់ផ្គង់កម្លាំងពលកម្មសរុបរបស់ប្រទេសចិន នៅតែលើសពីតម្រូវការ ហើយប្រជាជនមិនគួរព្រួយបារម្ភអំពីការថយចុះចំនួនប្រជាជននោះទេ»។
ប្រទេសចិនកំពុងស្ថិតនៅលើផ្លូវ សម្រាប់ការប្រជែងតំណែងប្រទេសឥណ្ឌា ក្នុងនាមជាប្រទេសដែលមានប្រជាជនច្រើនបំផុតរបស់ពិភពលោក។
អត្រាកំណើតកាលពីឆ្នាំមុន របស់ប្រទេសចិន គឺ ៦.៧៧ ក្នុងមនុស្ស ១.០០០នាក់ ធ្លាក់ចុះពីអត្រាកំណើត ៧.៥២ នៅក្នុងឆ្នាំ ២០២១ ដែលជាអត្រាកំណើតទាបបំផុតក្នុងកំណត់ត្រា។ នៅក្នុងចំនួនពិត មានកំណើតចុះបញ្ជីតិចជាង១លាននាក់ក្នុងឆ្នាំ២០២២ បើធៀបនឹងឆ្នាំមុន ដែលមានចំនួនសរុប ១០,៦២លាននាក់។
ប្រទេសចិន ក៏បានកត់ត្រាអត្រាមរណភាពខ្ពស់បំផុតរបស់ខ្លួន ចាប់តាំងពីឆ្នាំ ១៩៧៦ ដោយបានចុះបញ្ជីការស្លាប់ចំនួន ៧.៣៧ ក្នុងមនុស្ស ១.០០០នាក់ បើធៀបនឹងអត្រាមរណភាព ៧.១៨ ក្នុងមនុស្ស ១.០០០នាក់ នៅក្នុងឆ្នាំ ២០២១៕
ចែករំលែកព័តមាននេះ