លោកមេឃុំ«បានកាម»ត្រូវបានប្រជាពលរដ្ឋឲ្យឈ្មោះថា«ត្រីឆ្តោស៊ីកូនឯង»
- តាកែវ
ខេត្តតាកែវ ៖ លោក ឃន សុខេង មេឃុំបានកាម ស្រុកព្រៃកប្បាស់ ត្រូវបានប្រជាពលរដ្ឋជាច្រើននាក់ដាក់រហស្សនាមថា «ជាត្រីឆ្តោស៊ីកូនឯង» ។…
ខេត្តតាកែវ ៖ លោក ឃន សុខេង មេឃុំបានកាម ស្រុកព្រៃកប្បាស់ ត្រូវបានប្រជាពលរដ្ឋជាច្រើននាក់ដាក់រហស្សនាមថា «ជាត្រីឆ្តោស៊ីកូនឯង» ។…
ខេត្តតាកែវ ៖ លោក ឃន សុខេង មេឃុំបានកាម ស្រុកព្រៃកប្បាស់ ត្រូវបានប្រជាពលរដ្ឋជាច្រើននាក់ដាក់រហស្សនាមថា «ជាត្រីឆ្តោស៊ីកូនឯង» ។
តាមប្រភពពីប្រជាពលរដ្ឋឲ្យដឹងថា លោកមេឃុំរូបនេះ ពិតជាសំបូររឿងអាស្រូវខ្លាំងណាស់ ព្រោះមួយរយៈកន្លងមក គាត់មិនបានយកចិត្តទុកដាក់បម្រើសេវាសាធារណៈប្រជាពលរដ្ឋចំណុះឃុំទេ ហើយមូលហេតុដែលពួកគាត់ដាក់រហស្សនាមលោកជាត្រីឆ្តោស៊ីកូនឯងដូច្នេះ ព្រោះកាលពីពេលថ្មីៗនេះ គាត់បានរៀបចំបោះឆ្នោតរើសមេភូមិដូងខ្ពស់ថ្មី ទាំងដែលមេភូមិចាស់កំពុងបម្រើការងារជូនប្រជាពលរដ្ឋយ៉ាងសកម្ម ផ្អែកតាមជនអគតិមួយក្រុមតូចផ្តិតមេដៃប្តឹងថា គាត់អសមត្ថភាពនិងចោទមេភូមិចាស់ធ្វើប័ណ្ណក្រីក្រនិងប័ណ្ណហានិភ័យឲ្យប្អូនខ្លួនឯង ទាំងដែលរឿងនេះមិនមែនជាការពិត ។
ក្រោយទទួលពាក្យបណ្តឹងមេឃុំមិនជួយសម្រុះសម្រួលជួយមេភូមិចាស់ទេ បែរជាគំរាមមេភូមិចាស់គ្រប់យ៉ាង និងហាមកំឲ្យគាត់ដើរផ្តិតមេដៃពីប្រជាពលរដ្ឋគាំទ្រខ្លួនទៀតផង។ ប្រជាពលរដ្ឋដែលផ្តិតមេដៃគាំទ្រមេភូមិចាស់ បានបញ្ជាក់ថា មេភូមិចាស់គ្មានកំហុសទេ គាត់មានស្នាដៃល្អ ដូចជាធ្វើផ្លូវ ក្នុងភូមិខុសពីមេឃុំ តែដោយសារមេភូមិមានប្រជាប្រិយភាពជាងខ្លួនជាមេឃុំ ទើបគាត់រកឱកាសដកមេភូមិចោល ។
ពួកគាត់បន្តថា ប្រសិនបើដកមេភូមិដូងខ្ពស់ចោល គួរតែដកមេឃុំនេះចោលមុន ព្រោះមេឃុំរូបនេះមិនបានចុះមកផ្ទាល់ដល់ផ្ទះប្រជាពលរដ្ឋក្នុងមូលដ្ឋានជួយសម្រាលទុក្ខលំបាកពួកគាត់ទេ ជាក់ស្តែងគាត់ បានកាយប្រឡាយយកអាចម៍ដីទុកលើខ្នងប្រឡាយធ្វើឲ្យប្រជាពលរដ្ឋពិបាកធ្វើដំណើរ និងដឹកស្រូវមិនកើតទៀត។
ជុំវិញករណីខាងលើ អ្នកសារព័ត៌យើងមិនអាចទាក់ទងលោកមេឃុំបានកាមបានទេនៅព្រឹកថ្ងៃទី១៧ ខែមករា ឆ្នាំ២០២៣នេះ ដោយទូរស័ព្ទមិនចូល ។ ចំណែកលោក ឌឹម គឹមសាន អភិបាលស្រុកព្រៃកប្បាសបានបញ្ជាក់ថា រឿងលោកមេភូមិចាស់ដែលបម្រើប្រជាពលរដ្ឋ គឺមិនមែនចេះតែដកដកនោះទេ ករណីនេះចាំលោកចុះទៅស្រាវជ្រាវ និងកោះហៅមកពិភាក្សា។
សូមបញ្ជាក់ថា តាមផែនការរបស់លោកមេឃុំ គឺគាត់និងធ្វើការបោះឆ្នោតជ្រើសរើសមេភូមិថ្មី នៅថ្ងៃទី១៨ ខែមករា ស្អែកនេះ ។
ព័ត៌មានលម្អិតនឹងមានផ្សាយជូនលើកាសែតកោះសន្តិភាព ។
ចែករំលែកព័តមាននេះ