បត់ម៉ូតូចូលផ្ទះមិនមើលក្រោយ ត្រូវរថយន្ដបុកហើយកិនបែកក្បាលស្លា.ប់
ខេត្តពោធិ៍សាត់ ៖ ស្ត្រីម្នាក់ត្រូវរថយន្ដបុក និងកិនផ្ទុះខួរស្លា.ប់ភ្លាមៗនៅនឹងកន្លែងកើតហេតុ ខណៈដែលជិះម៉ូតូបត់ចូលផ្ទះមិនមើលក្រោយ។
ខេត្តពោធិ៍សាត់ ៖ ស្ត្រីម្នាក់ត្រូវរថយន្ដបុក និងកិនផ្ទុះខួរស្លា.ប់ភ្លាមៗនៅនឹងកន្លែងកើតហេតុ ខណៈដែលជិះម៉ូតូបត់ចូលផ្ទះមិនមើលក្រោយ។
ខេត្តពោធិ៍សាត់ ៖ ស្ត្រីម្នាក់ត្រូវរថយន្ដបុក និងកិនផ្ទុះខួរស្លាប់ភ្លាមៗនៅនឹងកន្លែងកើតហេតុ ខណៈដែលជិះម៉ូតូបត់ចូលផ្ទះមិនមើលក្រោយ។ គ្រោះថ្នាក់ចរាចរណ៍នេះបានកើតឡើងលើផ្លូវគ្រួសក្រហមមួយខ្សែ ស្ថិតក្នុងភូមិបត់គគីរ ឃុំអូរតាប៉ោង ស្រុកបាកាន កាលពីថ្ងៃទី១៤ ខែកក្កដា ឆ្នាំ២០១៧ វេលាម៉ោង៩ព្រឹក។ សមត្ថកិច្ចនគរបាលប៉ុស្ដិ៍រដ្ឋបាលអូរតាប៉ោងឲ្យដឹងថា ជនរងគ្រោះឈ្មោះ ស៊ឹម ខុម ភេទស្រី អាយុ៥៦ឆ្នាំ រស់នៅភូមិឃុំកើតហេតុខាងលើ ជិះម៉ូតូម៉ាកហុងដា ស៊េរី២០១២ ពណ៌ខ្មៅ ពាក់ស្លាកលេខ ពោធិ៍សាត់ 1D-3295។ ចំណែករថយន្ដបង្កគ្រោះថ្នាក់ម៉ាកហ៊ីយ៉ាន់ដាយបែន ពណ៌សពាក់ស្លាកលេខ ភ្នំពេញ 0101 បើកបរដោយឈ្មោះ នឿន វ៉ិត ភេទប្រុស អាយុ២២ឆ្នាំ រស់នៅភូមិចំការខ្លុយ ឃុំអូរតាប៉ោង ស្រុកបាកាន។
នៅព្រឹកនោះរថយន្ត និងម៉ូតូធ្វើដំណើរស្របទិសគ្នាក្នុងទិសដៅពីត្បូងទៅជើង ដោយម៉ូតូនៅពីមុខរថយន្ដ។ នៅពេលទៅដល់កន្លែងកើតហេតុម៉ូតូបានបត់ចូលផ្ទះ ខណៈនោះក៏ត្រូវរថយន្ដដែលកំពុងធ្វើដំណើរតាមក្រោយបុកយ៉ាងពេញទំហឹង ហើយកិនចំក្បាលផ្ទុះខួរបណ្ដាលស្លាប់យ៉ាងអាណោចអាធ័មនៅនឹងកន្លែងកើតហេតុ។ ឃើញហេតុការណ៍ដ៏រន្ធត់បែបនេះ អ្នកបើកបររថយន្ដមានការភិតភ័យក៏រត់គេចខ្លួនបាត់។ ក្រុមគ្រួសារបានលើកសាកសពជនរងគ្រោះចូលក្នុងផ្ទះ ដើម្បីរៀបចំលាងសម្អាតធ្វើបុណ្យតាមប្រពៃណី ដោយទុកតែរថយន្ដ និងម៉ូតូនៅកន្លែងកើតហេតុ ដើម្បីឲ្យសមត្ថកិច្ចចុះវាស់វែងរកខុសរកត្រូវទៅតាមជំនាញច្បាប់ចរាចរណ៍ផ្លូវគោក។ រថយន្ដ និងម៉ូតូបង្កគ្រោះថ្នាក់ ត្រូវបានសមត្ថកិច្ចយកទៅរក្សាទុកនៅអធិការដ្ឋាននគរបាលស្រុកបាកាន ដើម្បីដោះស្រាយនៅពេលក្រោយ៕
ចែករំលែកព័តមាននេះ