ខេត្តសៀមរាប ៖ គ្រាប់យុទ្ធភ័ណ្ឌមិនទាន់ផ្ទុះចំនួន៤គ្រាប់ដែលនៅសេសសល់ពីសម័យសង្គ្រាមត្រូវបានប្រជាពលរដ្ឋប្រទះឃើញនៅទីតាំងផ្សេងគ្នាក្នុងថ្ងៃតែមួយក្នុងខេត្តសៀមរាប រួចយកប្រគល់ឱ្យសមត្ថកិច្ចមូលដ្ឋាន ដើម្បី
ខេត្តសៀមរាប ៖ គ្រាប់យុទ្ធភ័ណ្ឌមិនទាន់ផ្ទុះចំនួន៤គ្រាប់ដែលនៅសេសសល់ពីសម័យសង្គ្រាមត្រូវបានប្រជាពលរដ្ឋប្រទះឃើញនៅទីតាំងផ្សេងគ្នាក្នុងថ្ងៃតែមួយក្នុងខេត្តសៀមរាប រួចយកប្រគល់ឱ្យសមត្ថកិច្ចមូលដ្ឋាន ដើម្បីយកទៅប្រគល់បន្តឱ្យខាងអង្គការ ហេឡូ ត្រាស់ កំទេចចោល។ ហេតុការណ៍នេះប្រទះឃើញនៅរសៀលថ្ងៃទី១៣ ខែកក្កដា ឆ្នាំ២០១៧ ស្ថិតនៅភូមិភ្នំក្រោម សង្កាត់សៀមរាប និងនៅឃុំស្លែងស្ពាន ស្រុកស្រីស្នំ ។
ប្រភពពីសមត្ថកិច្ចបានប្រាប់ថា គ្រាប់យុទ្ធភ័ណ្ឌមិនទាន់ផ្ទុះចំនួន៤គ្រាប់ ដែលនៅសេសសល់ ពីសម័យសង្គ្រាមត្រូវប្រជាពលរដ្ឋប្រទះឃើញនៅទីតាំងផ្សេងគ្នាក្នុងថ្ងៃតែមួយ គឺថ្ងៃទី១៣ កក្កដា រួចយកប្រគល់ឱ្យសមត្ថកិច្ចមូលដ្ឋាននោះ គឺប្រជាពលរដ្ឋដែលរស់នៅភ្នំក្រោម បានប្រទះឃើញគ្រាប់យុទ្ធភ័ណ្ឌមិនទាន់ផ្ទុះប្រភេទមីនចំនួន០១គ្រាប់ និងគ្រាប់ធុន៦០មម ចំនួន០២ គ្រាប់ ស្ថិតនៅភូមិភ្នំក្រោម សង្កាត់សៀមរាប និងប្រជាពលរដ្ឋនៅឃុំស្លែងស្ពាន ស្រុកស្រីស្នំ ខេត្តសៀមរាប បានប្រទះឃើញគ្រាប់យុទ្ធភ័ណ្ឌមិនទាន់ផ្ទុះធុន ១០៥មម ចំនួន១គ្រាប់ផងដែរ។
ប្រភពបានបន្តថា បន្ទាប់ពីបានរាយការណ៍ជូនសមត្ថកិច្ចនគរបាលនៅមូលដ្ឋាន ហើយត្រូវកម្លាំងជំនាញចុះទៅត្រួតពិនិត្យ និងរក្សាទុកនៅកន្លែងដដែល ព្រមទាំងបានដាក់ស្លាកសញ្ញាសម្គាល់ឱ្យមានសុវត្តិភាព ដើម្បីរង់ចាំអង្គភាពជំនាញហេឡូត្រាស់ចុះមក និងធ្វើការប្រគល់ជូន នៅវេលាម៉ោង៩និង០០នាទីព្រឹក ថ្ងៃទី១៤ កក្កដា ដើម្បីយកទៅកំទេចចោល ៕
ចែករំលែកព័តមាននេះ