ខំចុះទៅជួយ បែរជាត្រូវវាសម្លា.ប់វិញ
កាណាដា ៖ តាមប្រភពព័ត៌មាន Metro បានឲ្យដឹងថា អ្នកនេសាទបង្កងម្នាក់ បានជួយដោះលែងត្រីបាឡែនមួយក្បាលចេញពីសំណាញ់នេសាទ តែត្រូវបានវាសម្លា.ប់ឲ្យដាច់ខ្យល់ភ្លាមៗមួយរំពេច។
កាណាដា ៖ តាមប្រភពព័ត៌មាន Metro បានឲ្យដឹងថា អ្នកនេសាទបង្កងម្នាក់ បានជួយដោះលែងត្រីបាឡែនមួយក្បាលចេញពីសំណាញ់នេសាទ តែត្រូវបានវាសម្លាប់ឲ្យដាច់ខ្យល់ភ្លាមៗមួយរំពេច។
លោក Joe Howlett មកពី New Brunswick ប្រទេសកាណាដា បានជួយសត្វត្រីបាឡែនមិនតិចក្បាលទេ អស់រយៈពេល១៥ឆ្នាំកន្លងមក។
នៅថ្ងៃច័ន្ទនេះ លោកក៏បានប្រទះឃើញត្រីបាឡែនមួយក្បាលទៀតជាប់សំណាញ់។ ដោយឃើញដូចនេះ លោកក៏ចុះទៅជួយដោះសំណាញ់ចេញពីសត្វជិតផុតពូជមួយក្បាលនេះ។
តាមការរាយការណ៍របស់ Medicine Hat News បានឲ្យដឹងថា លោក Joe បានជួយដោះសំណាញ់បានសម្រេចហើយ តែត្រូវត្រីបាឡែនមួយក្បាលនោះវាយប្រហារ។
លោក Mackie Green ដែលមកពីក្រុមជួយសង្គ្រោះត្រីបាឡែនបានប្រាប់ថា៖ «ត្រីបាឡែននោះត្រូវបានដោះលែងចេញពីសំណាញ់បានរួចរាល់ហើយ តែវាបានត្រឡប់ខ្លួនមួយទំហឹង ដែលធ្វើឲ្យ Joe ស្លាប់ភ្លាមៗមួយរំពេច»។
ការស្លាប់របស់ Joe ដែលជាមនុស្សមានចិត្តធម៌ស្រឡាញ់សត្វជិតផុតពូជ បានធ្វើឲ្យគ្រប់គ្នាមានការសោកស្តាយយ៉ាងខ្លាំង៕
ចែករំលែកព័តមាននេះ