«Siberian times»របស់រុស្ស៊ីផ្សាយកាលពីពេលថ្មីៗកន្លងមកថា បុរសម្នាក់អាយុ៣៣ឆ្នាំ រស់នៅក្រុងឡេនីន គូសស្នេតស្គី ខេត្ត Kemerovo នៅភាគខាងលិចឆៀងខាងត្បូងតំបន់ស៊ីបេរី បានវាយប្រពន្ធបាក់ដៃ ។ មូលហេតុនៃការវាយប្រពន្ធ ព្រោះនាងមានអាការប្រែប្រួល ដោយកាលពីមុនធ្លាប់តែរអ៊ូរទាំ និងរិះគន់រូបគេគ្រប់រឿង ។
បម្រែបម្រួលនេះកើតឡើងក្រោយពីនាងទទួលការអប់រំរម្ងាប់អារម្មណ៍ និងទទួលទានឱសថបំបាត់ភាពតប់ត្រមល់ ។
សមត្ថកិច្ចមូលដ្ឋានឱ្យដឹងថា នាងជាប្រពន្ធបង្ហាញអាការមិនខឹងប្តីពេលត្រឡប់ទៅដល់ផ្ទះខុសពីពេលមុន ។ អាការបែបនេះបុរសជាប្តីទៅជាមួម៉ៅ ហាក់ដូចជាមិនបានប្រពន្ធជេរស្តីបាយមិនឆ្ងាញ់ ព្រោះធ្លាប់តែបែបនេះទៅហើយ ។
បន្ទាប់ពីវាយប្រពន្ធបាក់ដៃ បុរសជាប្តីទូរស័ព្ទហៅរថយន្តសង្គ្រោះបន្ទាន់ទៅទទួល ។ គេសារភាពថា គេមានភាពតប់ប្រមល់លើភាពស្ងប់ស្ងាត់មិនជេរស្តីរបស់ប្រពន្ធ ក៏វាយនាងតែម្តង ។
នៅពេលក្រុមគ្រូពេទ្យដឹងរឿងហេតុដែលកើតឡើងក៏ទូរស័ព្ទប្រាប់ប៉ូលិសឱ្យចាប់ខ្លួនបុរសបង្កហេតុ ។ គេអាចជាប់ទោសប្រហែល៥ឆ្នាំ ៕
ចែករំលែកព័តមាននេះ