ខេត្តព្រះសីហនុ ៖ យុវជនម្នាក់បានរងរបួសធ្ងន់ បញ្ជូនមកកាន់មន្ទីរពេទ្យបង្អែកចំការចេក ក្រុងព្រះសីហនុ ក្រោយពីបានសង្គ្រោះបឋមនៅគ្លីនិចឯកជន ចាក់អង្រែ បន្ទាប់ពីត្រូវបានរថយន្ត ជនជាតិចិន ស្រវឹងស្រា បើកបុក ហើយព្យាយាមរត់គេច តែត្រូវសមត្ថកិច្ចតាមប្រមាញ់បាន នៅចម្ងាយជិ២០គីឡូម៉ែត្រពីកន្លែងកកើតហេតុ ។
ខេត្តព្រះសីហនុ ៖ យុវជនម្នាក់បានរងរបួសធ្ងន់ បញ្ជូនមកកាន់មន្ទីរពេទ្យបង្អែកចំការចេក ក្រុងព្រះសីហនុ ក្រោយពីបានសង្គ្រោះបឋមនៅគ្លីនិចឯកជន ចាក់អង្រែ បន្ទាប់ពីត្រូវបានរថយន្ត ជនជាតិចិន ស្រវឹងស្រា បើកបុក ហើយព្យាយាមរត់គេច តែត្រូវសមត្ថកិច្ចតាមប្រមាញ់បាន នៅចម្ងាយជិ២០គីឡូម៉ែត្រពីកន្លែងកកើតហេតុ ។ ហេតុការណ៏នេះបានកើតឡើងនៅវេលាម៉ោង២៣និង៣០នាទីយប់ ថ្ងៃទី១៣ ខែកក្កដា ឆ្នាំ២០១៧ នៅចំណុចក្បែររង្វង់មូលតោពីរ ស្ថិតក្នុងភូមិ០៤ សង្កាត់លេខ៤ ក្រុងព្រះសីហនុ ។
ជុំវិញករណីនេះ បើយោងតាមប្រភពពីសមត្ថកិច្ចចរាចរណ៏ ជំហានដំបូងបានឲ្យដឹងថា នៅវេលាម៉ោងកើតហេតុខាងលើ មានករណីគ្រោះថ្នាក់ចរាចរណ៏មួយកើតឡើង បង្កដោយរថយន្តម៉ាក ឡិចស៊ីស ពណ៏ខ្មៅ បាក់ស្លាកលេខ ភ្នំពេញ ២R-២៦០០ បើកបរដោយបុរសជនជាតិចិនឈ្មោះ CHANG WEN YUAN ភេទប្រុស អាយុ៥២ឆ្នាំ មានទីនៅរាជធានីភ្នំពេញ រួមដំណើរជាមួយស្ត្រីអ្នកបើកប្រែម្នាក់ឈ្មោះ ដៀន ស្រីនាង អាយុ២១ឆ្នាំ មានទីលំនៅខេត្តកណ្តាល បានបើកទៅបុកជាមួយម៉ូតូមួយគ្រឿងម៉ាក ហ្សូមអ៊ិច ពណ៏ខ្មៅ បើកបរដោយយុវជនម្នាក់ឈ្មោះ ណាប ហៀន ភេទប្រុស អាយុ២៤ឆ្នាំ មានទីលំនៅសង្កាត់លេខ០១ ក្រុងព្រះសីហនុ រងរបួសធ្ងន់ សម្រាកសង្គ្រោះបន្ទាន់មន្ទីពេទ្យបង្អែកចំការចេក ។ ខណៈពេលដឹកស្ត្រីបកប្រែចេញពីក្លឹបក្បែរង្វង់មូលតោពីរ ។ ប្រភពសមត្ថកិច្ចដ៏ដែលបានបន្តថា រថយន្តជនបង្ក ក្រោយពីបានបង្កគ្រោះថ្នាក់ចរាចររួចមក ពុំបានឈប់ដោះស្រាយតាមផ្លូវច្បាប់នោះទេ គឺបានព្យាយាមបើកគេច បើទោះបីជាសមត្ថកិច្ចព្យាយាមតាមឃាត់យ៉ាងណាក្តី រហូតបានចម្ងាយជិត២០គីឡូម៉ែត្រ ទើបសមត្ថកិច្ចឃាត់បានបញ្ជូនមកកាន់ការិយាល័យចរាចរណ៏ខេត្តព្រះសីហនុ តែម្តង ។
ដោយឡែក បើយោងតាមប្រភពអះអាងពីស្ត្រីវ័យក្មេងជាអ្នកបកប្រែបានឲ្យដឹងថា នៅថ្ងៃកើតហេតុ ខ្លួន និងជនបង្កនេះ បានបើករថយន្តចេញពីភ្នំពេញនៅម៉ោង០១ថ្ងៃ មកដល់កំពង់សោមនៅជិតម៉ោង០៥ល្ងាច ហើយបានទៅអង្គុយញ៉ាំអាហារនៅឆ្នេរអូឈើទាល ញ៉ាំស្រាបៀររហូតដល់ម៉ោងជាង១០យប់ ក៏បានមកចូលក្លឹប កម្សាន្តរបស់ជនជាតិចិន ហើយបានញ៉ាំស្រាជីវ៉ាក អស់១ដបគ្នា៤នាក់ បន្ទាប់នៅម៉ោងជាង១១យប់ ក៏បានចេញពីក្លឹប នៅពេលនោះនាងស្រវឹងបានដេកក្នុងរថយន្ត ហើយបានលាន់ស្នូរប៉ះទង្គិច នាងបានសួរទៅជនបង្កថា មានរឿងអី តែជនជាតិចិនថា ប៉ះដុំថ្ម ក្រោយមកក៏ត្រូវសមត្ថកិច្ចដេញឃាត់តែម្តង ៕
ចែករំលែកព័តមាននេះ