រាជធានីភ្នំពេញ ៖ ជាសេចក្តីជូនដំណឹងបន្ទាន់មួយដល់ប្រជាពលរដ្ឋទូទាំងប្រទេស នាយកដ្ឋានកណ្ដាលសន្ដិសុខនៃក្រសួងមហាផ្ទៃ នាថ្ងៃទី១៣ កក្កដា នេះ បានប្រកាសលេខទូរស័ព្ទចំនួន២ខ្សែ សម្រាប់បងប្អូនប្រជាពលរដ្ឋណាដែលដឹងរឿង ឬក៏ជនរងគ្រោះ
រាជធានីភ្នំពេញ ៖ ជាសេចក្តីជូនដំណឹងបន្ទាន់មួយដល់ប្រជាពលរដ្ឋទូទាំងប្រទេស នាយកដ្ឋានកណ្ដាលសន្ដិសុខនៃក្រសួងមហាផ្ទៃ នាថ្ងៃទី១៣ កក្កដា នេះ បានប្រកាសលេខទូរស័ព្ទចំនួន២ខ្សែ សម្រាប់បងប្អូនប្រជាពលរដ្ឋណាដែលដឹងរឿង ឬក៏ជនរងគ្រោះជាមាតាបិតា អាណាព្យាបាលផ្ទាល់ ក្នុងករណីបាត់ក្មេង សូមរាយការណ៍ជាបន្ទាន់ទៅកាន់លេខទូរស័ព្ទរបស់នាយកដ្ឋានគឺ 031 201 2345 / 031 601 2345 ។ នេះបើយោងតាមព័ត៌មានប្រកាសលើគេហទំព័រអគ្គស្នងការនគរបាលជាតិ ។
ការប្រកាសលេខទូរស័ព្ទនេះ ធ្វើឡើងបន្ទាប់ពីមួយរយៈពេលចុងក្រោយនេះ «មានព័ត៌មានចុះផ្សាយ ក៏ដូចជាបណ្ដាញទំនាក់ទំនងសង្គម Facebook បានចែកចាយបន្ដគ្នា អំពីករណីបាត់ក្មេងជាញឹកញាប់ ដោយខ្លះបាត់នៅតាមសាលារៀន ឬតាមទីសាធារណៈផ្សេងៗ ដែលឪពុកម្ដាយ និងក្រុមគ្រួសារក្មេងៗបានអះអាងថា ត្រូវបានជនមិនស្គាល់មុខចាប់យកទៅ» ។
ការអំពាវនាវរបស់នាយកដ្ឋានកណ្ដាលសន្ដិសុខបានបញ្ជាក់៖ «ដើម្បីជួយសង្គ្រោះឱ្យបានទាន់ពេលវេលា និងស្វែងរកក្រុមជនអនាមិកនោះ មកផ្តន្ទាទោសតាមច្បាប់ សូមឪពុកម្ដាយ អាណាព្យាបាល ដែលជួបបញ្ហានេះត្រូវរាយការណ៍ ជាបន្ទាន់ភ្លាមៗតាមខ្សែទូរស័ព្ទដូចប្រកាសនៅខាងលើនេះ» ។
ចែករំលែកព័តមាននេះ