រងរបួសធ្ងន់ម្នាក់ ក្នុងករណីគ្រោះថ្នាក់ចរាចរណ៍នៅឃុំបាក់ខ្លង
ខេត្តកោះកុង ៖ នៅវេលាម៉ោង៧ព្រឹក ថ្ងៃទី១៣ ខែកក្កដា ឆ្នាំ២០១៧ មានករណីគ្រោះថ្នាក់ចរាចរណ៍កើតឡើង បង្កដោយរថយន្តបុកអ្នកថ្មើរជើង
ខេត្តកោះកុង ៖ នៅវេលាម៉ោង៧ព្រឹក ថ្ងៃទី១៣ ខែកក្កដា ឆ្នាំ២០១៧ មានករណីគ្រោះថ្នាក់ចរាចរណ៍កើតឡើង បង្កដោយរថយន្តបុកអ្នកថ្មើរជើង នៅចំណុចបញ្ជរលក់សំបុត្រស្ពានកោះកុង ភូមិនាងកុក ឃុំប៉ាក់ខ្លង ស្រុកមណ្ឌលសីមា ខេត្តកោះកុង។ នៅក្នុងហេតុការណ៍នោះបណ្តាលឲ្យមនុស្សរងរបួសធ្ងន់ម្នាក់ ឈ្មោះ យក់ ឡាយហេង ភេទប្រុស អាយុ៥៥ឆ្នាំ មានទីលំនៅភូមិ២ សង្កាត់ដងទង់ ក្រុងខេមរភូមិន្ទ ជាបុគ្គលិក ផ្នែកសន្តិសុខ របស់ក្រុមហ៊ុន LYP Group Co,Ltd បានស្លាប់ នៅពេលកម្លាំងយើងបញ្ជូនមកដល់មន្ទីរពេទ្យបង្អែកខេត្ត។
រីឯអ្នកបើកបររថយន្តឈ្មោះ ចាប ឈាន ភេទប្រុស អាយុ៣១ឆ្នាំ ទីលំនៅភូមិ៣ សង្កាត់ដងទង់ ក្រុងខេមរភូមិន្ទ ជាអ្នកបើករថយន្តដឹកកម្មករឲ្យក្រុមហ៊ុន Yazaki Co,Ltd បានរត់គេចខ្លួន ។ រថយន្តបង្កត្រូវបានសមត្ថកិច្ចយកមករក្សាទុកនៅអធិការដ្ឋាននគរបាលស្រុកមណ្ឌលសីមា ដើម្បីធ្វើការអង្កេត និងបំពេញសំណុំរឿងចាត់ការតាមនីតិវិធី៕
ចែករំលែកព័តមាននេះ