សំណើដំបូងដកតំណែងលោកត្រាំ ដាក់ជាផ្លូវការ
សហរដ្ឋអាមេរិក ៖ សមាជិកសភាមកពីគណបក្សប្រជាធិបតេយ្យមួយរូបរបស់អាមេរិកកាលពីថ្ងៃទី១២ កក្កដា បានដាក់ជាផ្លូវការនូវសំណើដំបូងគេដែលសំដៅឱ្យអនុវត្តនីតិវិធីដកតំណែងប្រធានាធិបតីនៃ
សហរដ្ឋអាមេរិក ៖ សមាជិកសភាមកពីគណបក្សប្រជាធិបតេយ្យមួយរូបរបស់អាមេរិកកាលពីថ្ងៃទី១២ កក្កដា បានដាក់ជាផ្លូវការនូវសំណើដំបូងគេដែលសំដៅឱ្យអនុវត្តនីតិវិធីដកតំណែងប្រធានាធិបតីនៃគណបក្សសាធារណរដ្ឋ លោកដូណាល់ ត្រាំ តែក្នុងដំណាក់កាលនេះសំណើនោះគ្រាន់តែជានិមិត្តរូបប៉ុណ្ណោះ ។
លោក BRAD SHERMAN សមាជិកសភានៃរដ្ឋកាលីហ្វ័រនីញ៉ា ជាជនឆ្វេងនិយមបានដាក់សំណើចោទប្រកាន់ប្រធានាធិបតីពីបទរារាំងចំណាត់ការតុលាការដែលលោកថា អាចដកហូតតំណែងប្រធានាធិបតី ។ សហសេវិករបស់លោកម្នាក់ លោក AL GREEN ក៏ចូលរួមចុះហត្ថលេខាលើសំណើនេះដែរ ។
នៅសហរដ្ឋអាមេរិក សភាទាំង២មានអំណាចដកហូតតំណែងប្រធានាធិបតី យោងទៅតាមនីតិវិធីមួយមាន២ដំណាក់កាល ។ សភាអនុម័តលើការចោទប្រកាន់ បន្ទាប់មកព្រឹទ្ធសភាធ្វើការវិនិច្ឆ័យលើប្រធានាធិបតី ហើយបោះឆ្នោតលើការដាក់ទោសដោយទាមទារសំឡេងភាគច្រើន២ភាគ៣ ។ ក្នុងករណីមានការដាក់ទោសប្រធានាធិបតីត្រូវដកហូតតំណែងជាស្វ័យប្រវត្តិ ។
លោក BRAD SHERMAN ថ្លែងថា ការដាក់ពាក្យបណ្តឹងដកហូតតំណែងប្រធានាធិបតីជាដំណាក់កាលដំបូងដែលប្រើពេលវេលាយូរ ។ អាចប្រើពេលច្រើនខែ ហើយទាល់តែបណ្តាសមាជិកសភាគណបក្សសាធារណរដ្ឋចូលរួមដែរ ទើបអាចទៅរួច ។
ពុំធ្លាប់ដែលមានសោះឡើយក្នុងប្រវត្តិសាស្ត្រអាមេរិក ដែលប្រធានាធិបតីមួយរូបត្រូវដកហូតតំណែង ។ ធ្លាប់មានការចោទប្រកាន់ប្រធានាធិបតី២រូបដែរ បន្ទាប់មកក៏លុបចោលការចោទប្រកាន់វិញ គឺលោក ANDREW JOHNSON ក្នុងឆ្នាំ១៨៦៨ និងលោកប៊ីលគ្លីនតុន ក្នុងឆ្នាំ១៩៩៨ ។ លោក RICHARD NIXON ក្នុងឆ្នាំ១៩៧៤ បានសុំលាលែងចេញពីតំណែងចៀសវាងសភាដកមកពីរឿងអាស្រូវ WATERGATE ៕
ចែករំលែកព័តមាននេះ