រាជធានីភ្នំពេញ ៖ គូសង្សារជិះម៉ូតូមួយគ្រឿងបំពានភ្លើងសញ្ញាចរាចរណ៍ ទៅបុករ៉ឺម៉កម៉ូតូមួយគ្រឿងទៀត ពេញទំហឹងបណ្តាលឲ្យក្រឡាប់រ៉ឺម៉កផ្ងារជើង ធ្វើឲ្យរងរបួសធ្ងន់ និងស្រាល ហេតុការណ៍នេះ កើតឡើងការពីវេលាម៉ោង១០យប់ ថ្ងៃទី១២ ខែមិថុនា ឆ្នាំ២០១៧ ត្រង់ចំណុចផ្លូវ២៧១កែងនិងផ្លូវ១៨២ ស្ថិតក្នុងសង្កាត់ទឹកល្អក់២ ខណ្ឌទួលគោក ។
តាមប្រភពព័ត៏មានពីកន្លែងបានឲ្យដឹងថា នៅមុនពេលកើតហេតុ គេឃើញរ៉ឺម៉កមួយគ្រឿង ពណ៌ក្រហម ពាក់ស្លាកលេខ ភ្នំពេញ ២AM-៨៨៤២ ដឹកក្រុមគ្រួសារ៥ទៅ៦នាក់ តាមបណ្តោយផ្លូវ២៧១ ក្នុងទិសដៅពីជើងទៅត្បូង លុះមកដល់ចំណុចកើតហេតុ ភ្លើងអត្ថិភាព ពណ៌បៃតង ក៏បានបត់ឆ្វេងទៅផ្លូវ១៨២ ខណៈពេលនោះ ស្រាប់តែមានម៉ូតូមួយគ្រឿងទៀតម៉ាកភូហ្សា ពណ៌ខ្មៅ ពាក់ស្លាកលេខ ភ្នំពេញ ២GG-០៣៥៦ បើកបរដោយសង្សារមួយគូ តាមបណ្តោយផ្លូវ៧២១ ក្នុងល្បឿនលឿនទិសដៅគ្នាពីត្បូងទៅជើង បានបើកបរបំពានភ្លើងសញ្ញាចរាចរណ៍ ទាំងភ្លើងក្រហម ក៏ជ្រុលទៅបុកចំហៀងរ៉ឺម៉កម៉ូតូពេញទំហឹង បណ្តាលឲ្យរ៉ឺម៉កក្រឡាប់ផ្ងារជើង ឬឯអ្នកបើកបរ និងអ្នករួមដំណើររងរបួសស្រាល ចំណែកឯម៉ូតូរងការខូចខាតបន្តិចបន្តួច ។ ត្រូវបានរថយន្តសង្គ្រោះដឹកដឹកយកទៅព្យាបាលនៅគ្លីនិកឯកជន ។
ក្រោយកើតហេតុ សមត្ថកិច្ចមូលរដ្ឋាន បានចុះមកដល់បានទំនាក់ទំនងទៅសមត្ថកិច្ចជំនាញចុះមកវាស់វែងយកម៉ូតូ និងរ៉ឺម៉កម៉ូតូទៅរក្សាទុកនៅអធិការដ្ឋាននគរបានខណ្ឌទួលគោក ដើម្បីរង់ចាំដោះស្រាយគ្នានៅពេលក្រោយ ៕
ចែករំលែកព័តមាននេះ