យន្តហោះដឹកអ្នកដំណើរជាង៧០នាក់ ជួបគ្រោះអកុសលយ៉ាងរន្ធ.ត់ (វីដេអូ)
នេប៉ាល់ ៖ យោងតាមការលើកឡើងពីក្រុមមន្ត្រីនៃប្រទេសនេប៉ាល់ បានឱ្យដឹងថា យន្តហោះដឹកអ្នក
នេប៉ាល់ ៖ យោងតាមការលើកឡើងពីក្រុមមន្ត្រីនៃប្រទេសនេប៉ាល់ បានឱ្យដឹងថា យន្តហោះដឹកអ្នក
នេប៉ាល់ ៖ យោងតាមការលើកឡើងពីក្រុមមន្ត្រីនៃប្រទេសនេប៉ាល់ បានឱ្យដឹងថា យន្តហោះដឹកអ្នកដំណើរចំនួន ៧២នាក់ បានធ្លាក់នៅជិតអាកាសយានដ្ឋានមួយ នៅកណ្តាលប្រទេសនេប៉ាល់ ហើយសាកស.ពចំនួន ៤០នាក់ ត្រូវបានរកឃើញផងដែរ។ នេះបើយោងតាមប្រភពពីសារព័ត៌មាន BBC ចេញផ្សាយនៅមុននេះបន្តិច។
ជើងហោះហើរ Yeti Airlines ពីទីក្រុង Kathmandu ទៅកាន់ទីក្រុងទេសចរណ៍ Pokhara បានធ្លាក់នៅពេលចុះចត បង្កជាភ្លើងឆាបឆេះយ៉ាងសន្ធោសន្ធៅ។ វីដេអូដែលបានបង្ហោះនៅលើប្រព័ន្ធផ្សព្វផ្សាយសង្គម បង្ហាញពីយន្តហោះមួយគ្រឿង បានហោះហើរទាបពីលើតំបន់ ដែលមានប្រជាជនរស់នៅ មុនពេលជួបគ្រោះអកុសល។
នៅលើយន្តហោះមានអ្នកដំណើរចំនួន ៦៨នាក់ រួមទាំងជនបរទេសយ៉ាងតិចចំនួន ១៥នាក់ និងសមាជិកហោះហើរចំនួន ៤នាក់ផងដែរ។ ទាហាននេប៉ាល់ប្រហែល ២០០នាក់ បានចូលរួមនៅក្នុងដំណើរការជួយសង្គ្រោះ នៅកន្លែងធ្លាក់យន្តហោះ នៅឯជ្រលងទន្លេ Seti ដែលមានចម្ងាយត្រឹមមួយគីឡូម៉ែត្រពីអាកាសយានដ្ឋាន។
អ្នកនាំពាក្យកងទ័ពម្នាក់ បានថ្លែងប្រាប់ទីភ្នាក់ងារសារព័ត៌មាន Reuters ថា «យើងរំពឹងថា នឹងអាចរកឃើញសាកស.ពបន្ថែមទៀត ខណៈដែលយន្តហោះបានបាក់បែកជាបំណែកៗ»។
នាយករដ្ឋមន្ត្រីនេប៉ាល់ លោក Pushpa Kamal Dahal បានកោះហៅកិច្ចប្រជុំបន្ទាន់នៃគណៈរដ្ឋមន្ត្រី ហើយបានជំរុញឱ្យភ្នាក់ងាររដ្ឋធ្វើការលើប្រតិបត្តិការជួយសង្គ្រោះ។
ប្រភពពីប្រព័ន្ធផ្សព្វផ្សាយក្នុងស្រុកបានរាយការណ៍ថា ក្នុងចំណោមអ្នកដំណើរ ៥៣នាក់ ត្រូវបានគេអះអាងថា ជាជនជាតិនេប៉ាល់ និងមានជនជាតិឥណ្ឌា៥នាក់ រុស្ស៊ី៤នាក់ និងកូរ៉េ២នាក់ នៅលើយន្តហោះនោះ ហើយក៏មានអ្នកដំណើរដែលមកពីប្រទេសអៀរឡង់ម្នាក់ អូស្ត្រាលីម្នាក់ អាហ្សង់ទីនម្នាក់ និងបារាំងម្នាក់ផងដែរ នៅក្នុងចំណោមអ្នកផ្សេងទៀត៕
ចែករំលែកព័តមាននេះ