រាជធានីភ្នំពេញ ៖ បុរសពីរនាក់ចេញពីខារ៉ាអូខេ ស្រវឹងស្រឿងៗបែកគំនិតទៅរកសេវាបម្រើផ្លូវភេទ ត្រូវនារីបម្រើសេវាផ្លូវភេទឆ្លៀតឱកាសលួចយកលុយអស់ចំនួន១១០០ដុល្លារ ជាប្រាក់ទើបនឹងលក់ម៉ូតូបានថ្មីៗ បង្កឲ្យមានការភ្ញាក់ផ្អើលដល់សមត្ថកិច្ចកាលពីវេលាម៉ោង០២និង៣០នាទីរំលងអធ្រាត្រ ឈានចូលថ្ងៃទី១៣ ខែកក្កដា ឆ្នាំ២០១៧ ដែលស្ថិតនៅផ្ទះអត់លេខម្តុំត្រឡោកបែក ផ្លូវរថភ្លើង ភូមិ១៦ សង្កាត់ទឹកល្អក់ទី១ ខណ្ឌទួលគោក ។
រាជធានីភ្នំពេញ ៖ បុរសពីរនាក់ចេញពីខារ៉ាអូខេ ស្រវឹងស្រឿងៗបែកគំនិតទៅរកសេវាបម្រើផ្លូវភេទ ត្រូវនារីបម្រើសេវាផ្លូវភេទឆ្លៀតឱកាសលួចយកលុយអស់ចំនួន១១០០ដុល្លារ ជាប្រាក់ទើបនឹងលក់ម៉ូតូបានថ្មីៗ បង្កឲ្យមានការភ្ញាក់ផ្អើលដល់សមត្ថកិច្ចកាលពីវេលាម៉ោង០២និង៣០នាទីរំលងអធ្រាត្រ ឈានចូលថ្ងៃទី១៣ ខែកក្កដា ឆ្នាំ២០១៧ ដែលស្ថិតនៅផ្ទះអត់លេខម្តុំត្រឡោកបែក ផ្លូវរថភ្លើង ភូមិ១៦ សង្កាត់ទឹកល្អក់ទី១ ខណ្ឌទួលគោក ។
ជនរងគ្រោះទី១.ឈ្មោះ សួស ពុយ ភេទប្រុស អាយុ៣៤ឆ្នាំ ជាកម្មកររោងចក្រ ស្នាក់នៅបឹងបាយ៉ាប សង្កាត់ភ្នំពេញថ្មី ខណ្ឌសែនសុខ បានបាត់លុយអស់ចំនួន១១០០ដុល្លារ និងលុយខ្មែរចំនួន៣ម៉ឺនរៀល ។ ជនរងគ្រោះទីពីរ.ឈ្មោះ ណា រុង ភេទប្រុស អាយុ៣២ឆ្នាំ មុខរបរជាជាងធ្វើតុទូ ស្នាក់នៅសង្កាត់ចាក់អង្រែក្រោម ខណ្ឌមានជ័យ បាត់លុយអស់ចំនួន៤០ដុល្លារ ហើយអ្នកទាំងពីរមានស្រុកកំណើតនៅភូមិបឹងរ៉ៃ ឃុំក្រគោល ស្រុកស្វាយជ្រុំ ខេត្តស្វាយវៀង ។
បើតាមសម្តីសមត្ថកិច្ចបានរៀបរាប់ឲ្យដឹងថា ៖ នៅមុខពេលកើតហេតុ ជនរងគ្រោះទាំងពីរនាក់ ទើបតែចេញមកពីកន្លែងផឹកស៊ីច្រៀងខារ៉ាអូខេជាមួយមិត្តភក្តិបួនប្រាំនាក់ទៀត នៅម្តុំស្ពានព្រែកព្នៅ លុះពេលផឹកស៊ីស្រវឹងស្រាស្រឿងៗ ក៏បានជិះម៉ូតូត្រលប់ទៅផ្ទះវិញ ស្រាប់តែជនរងគ្រោះទាំងពីរនាក់បានបបួលគ្នាទៅរកសេវាមប្រើផ្លូវភេទ នៅម្តុំកន្លែងកើតហេតុខាងលើ ។ ខណៈពេលមកដល់កន្លែងកើតហេតុ មាននារីមប្រើផ្លូវភេទចំនួនពីរ បានហៅជនរងគ្រោះទាំងពីរនាក់ ឲ្យចូលទៅកន្លែងរបស់ពួកគេ ម្នាក់ក្នុងតម្លៃ១៥០០០រៀល ។
ពេលនោះជនរងគ្រោះទាំងពីរ ក៏បានព្រមព្រៀងចូល លុះពេលជនរងគ្រោះទាំងពីរនាក់បានចូលបន្ទប់រៀងៗខ្លួន ។ ជនរងគ្រោះឈ្មោះ សួស ពុយ ត្រូវបាននារីបម្រើផ្លូវភេទម្នាក់ឲ្យដោះខោអាវដាក់នៅលើតុ ហើយឲ្យដេកផ្កាប់មុខដើម្បីធ្វើការម៉ាស្សា ខណៈពេលដែលកំពុងម៉ាស្សា ស្រាប់តែលឺសំឡេងផុស គាត់ក៏សង្ស័យបម្រុងនឹងងើបមើល តែត្រូវនារីរូបនោះ សង្កត់មិនឲ្យងើប ហើយគាត់ក៏បានច្រាននារីរូបនោះចេញ ហើយក៏ឃើញខោនិងទូរស័ព្ទដៃរបស់គាត់បានជ្រុះទៅដី ក៏ប្រញាប់ប្រញាល់លើកខោយកមកឆែកមើល ស្រាប់បាត់លុយអស់១១០០ដុល្លា និងលុយខ្មែរ៣ម៉ឺនរៀល ដែលជាលុយទើបតែលក់ម៉ូតូបានថ្មីៗ បង្កឲ្យមានការផ្អើលឆោឡោដល់ជនរងគ្រោះឈ្មោះ ណា រុង ក៏បានលូកហោប៉ៅបើកកាបូបលុយមើល ទើបដឹងថាបាត់លុយអស់៤០ដុល្លាដែរ ។
ភ្លាមៗនោះ ជនរងគ្រោះទាំងពីរនាក់បានរត់មកប្តឹងសមត្ថកិច្ចមូលដ្ឋានឲ្យចុះទៅជួយអន្តរាគមន៍ តែខណៈពេលសមត្ថកិច្ចទៅដល់កន្លែងកើតហេតុបានបិទទ្វារចាក់សោរបាត់ទៅហើយ ។ ក្រោយពេលកើតហេតុ ជនរងគ្រោះទាំងពីរនាក់បានត្រលប់ទៅដាក់ពាក្យប្តឹងនៅប៉ុស្តិ៍នគរបាលរដ្ឋបាលទឹកល្អក់ទី១ ដើម្បីឲ្យសមត្ថកិច្ចចាត់វិធានការទៅតាមនីតិវិធី ៕
ចែករំលែកព័តមាននេះ