ខេត្តបន្ទាយមានជ័យ ៖ ប្រជាកសិករកំពុងជួបបញ្ហាទីផ្សារសត្វខេត្តជាប់ជាយដែន នៅពេលដែលឈ្មួញនាំទាចូលពីថៃ និងនាំចូលពីវៀតណាមកំពុងដង្ហោយសុំឲ្យប្រមុខរាជរដ្ឋាភិបាលកម្ពុជា សម្តេចតេជោ ហ៊ុន សែន បិទការនាំចូលសត្វពីប្រទេសជិតខាង។ ប្រជាពលរដ្ឋបានឲ្យដឹងថា ប្រជាកសិករខេត្តបន្ទាយមានជ័យ កំពុងប្រឈមការបោះបង់ការចិញ្ចឹមសត្វព្រោះតែគ្មានទីផ្សារដែលបណ្តាលមកពីឈ្មួញនាំចូលដូចជាសត្វទានាំចូល១ថ្ងៃរាប់ពាន់ក្បាលពីប្រទេសថៃ តាមច្រករបៀងណងចាន់ ឃុំអូរបីជាន់ ស្រុកអូរជ្រៅ ដែលគ្រប់គ្រងដោយឈ្មោះ ចាន់ (ជាយោធាយោធភូមិភាគទី៥)។
និងជ្រូកនាំចូលពីប្រទេសវៀតណាម១ថ្ងៃមិនតិចជាង៥០០ក្បាល ចូលលក់ចែកចាយក្នុងខេត្តបន្ទាយមានជ័យ លក់ក្នុងតម្លៃទាបជាងជ្រូកចិញ្ចឹមក្នុងស្រុកទើបទីផ្សារសត្វមានតម្លៃទាបរហូតរកទីផ្សាលក់គ្មាន។ ប្រជាពលរដ្ឋសំណូមពរសុំឲ្យប្រមុខរាជរដ្ឋាភិបាលកម្ពុជាដែលមានសម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាសុំឲ្យបិទអាជ្ញាប័នការនាំចូលសត្វពីប្រទេសជិតខាងដូចជាឈ្មួញនាំទា មាន់ចូលពីប្រទេសថៃ និងជ្រូកឈ្មួញនាំចូលពីប្រទេសវៀតណាម។ ដើម្បីបង្កើនការចិញ្ចឹមសត្វក្នុងស្រុកឲ្យមានតម្លៃកាត់បន្ថយចំណាកស្រុក និងភាពក្រីក្រជូនប្រជាពលរដ្ឋ។
លោក ហ៊ុយ តូច ប្រធានការិយាល័យផលិតកម្មបសុព្យាខេត្តបានប្រាប់ថា ជ្រូកដែលនាំចូលពីប្រទេសវៀតណាមមកខេត្តបន្ទាយមានជ័យមាន២ក្រុមហ៊ុនដែលនាំលក់ចែកចាយ១ថ្ងៃចំនួន២០០ក្បាល ហើយទាដែលនាំចូលពីប្រទេសថៃដូចជាគ្មាននាំចូលតែទាដែលនៅក្បែរច្រករបៀងណង់ចាន់ ឃុំអូរបីជាន់ គឺជាទាក្នុងស្រុកដែលប្រជាកសិករយកទៅដាក់ឲ្យស៊ីចំណីព្រោះកន្លែងនោះសម្បូរ និងមាន់ដូចជាមិនឃើញមានឈ្មួញនាំចូលពីប្រទេសថៃ។ ព័ត៌មានបានដឹងថា ការនាំចូលមាន់ទាពីប្រទេសថៃតាមច្រករបៀងតាមបន្ទាត់ព្រំដែន និងជ្រូកនាំចូលនាំចូលពីវៀតណាមគឺមានច្បាប់ តែការដឹកគឺលើសការកំណត់ជាងពាក់កណ្តាល ដែលឃុបឃិតជាមួយមន្ត្រីជំនាញខេត្តគិតពីប្រយោជន៍ផ្ទាល់ខ្លួនមិនបានគិតពីប្រជាពលរដ្ឋឡើយ៕
ចែករំលែកព័តមាននេះ