មូលហេតុដែល Manny Pacquiao នៅតែប្រដាល់គឺដោយសារតែ…
តាមប្រភពព័ត៌មាន Viral4real បានឲ្យដឹងថា តំណាងរាស្ត្រ Manny Pacquiao នៅតែមិនព្រមបោះបង់របរជាអ្នកប្រដាល់គឺដោយសារតែ
តាមប្រភពព័ត៌មាន Viral4real បានឲ្យដឹងថា តំណាងរាស្ត្រ Manny Pacquiao នៅតែមិនព្រមបោះបង់របរជាអ្នកប្រដាល់គឺដោយសារតែលោកចង់បន្តជួយអ្នកក្រីក្រ ។ ដោយសារតែលោកធ្លាក់ដៃបន្តិចក្នុងពេលមួយរយៈនេះមានមនុស្សមួយចំនួនប្រាប់លោកឲ្យឈប់ធ្វើជាអ្នកប្រដាល់ទៀតទៅ ។ មិនត្រឹមតែប៉ុណ្ណោះ អ្នកដែលធ្លាប់តែគាំទ្រថ្វីដៃប្រដាល់របស់លោកក៏ចាប់ផ្តើមធុញទ្រាន់នឹងការប្រដាល់របស់លោកហើយ ។ តែនេះមិនបញ្ឈប់លោកពីការប្រដាល់ឡើយ ទោះបីជាលោកមានតួនាទីធំមួយទៀតជាតំណាងរាស្ត្រក៏ដោយ ។
លោកបាននិយាយនៅក្នុងកិច្ចសម្ភាសន៍មួយថា «រាល់ប្រាក់ចំណូលបានមកពីការប្រដាល់ម្តងៗ ខ្ញុំតែងតែយកវាស្ទើរតែពាក់កណ្តាលទៅជួយដល់ជនក្រីក្រ ។ តែខ្ញុំមិនចូលចិត្តប្រកាសឲ្យគេឯងដឹង» ។
ស្នាដៃជាច្រើនដែលលោកធ្លាប់បានសាងកន្លងមកដូចជាការសង់ផ្ទះ១.៥០០ខ្នងជូនអ្នកក្រីក្រនៅលើកោះ Mindanao និងការជួយទិញទូកថ្មីសម្រាប់អ្នកនេសាទត្រីនៅតំបន់ឆ្នេរជាដើម ។ សម្រាប់អ្នកក្រីក្រនៅប្រទេសហ្វីលីពីន លោក Pacquiao ហាក់បីដូចជាវីរបុរសអញ្ចឹងព្រោះលោកបានជួយដល់ពួកគេច្រើន ។ សម្តីដ៏មានតម្លៃរបស់លោកមួយឃ្លាថា «ខ្ញុំចង់ឲ្យគេចង់ចាំថា ខ្ញុំជាមនុស្សម្នាក់ដែលជួយមនុស្ស មិនមែនត្រឹមតែស្គាល់ខ្ញុំជាអ្នកប្រដាល់នោះទេ» ៕
ចែករំលែកព័តមាននេះ