ហានិភ័យចំណីអាហារនាំចូលពីប្រទេសជិតខាង ផ្ទុកសារធាតុគីមី
ខេត្តកំពត ៖ ប្រជាពលរដ្ឋ និងមហាជនទូទៅដែលស្ថិតតាមតំបន់ជាប់ព្រំដែនប្រទេសវៀតណាម កំពុងមានការព្រួយបារម្ភពីហានិភយ័ចំពោះចំណីអាហារដែលឈ្មួញ
ខេត្តកំពត ៖ ប្រជាពលរដ្ឋ និងមហាជនទូទៅដែលស្ថិតតាមតំបន់ជាប់ព្រំដែនប្រទេសវៀតណាម កំពុងមានការព្រួយបារម្ភពីហានិភយ័ចំពោះចំណីអាហារដែលឈ្មួញ
ខេត្តកំពត ៖ ប្រជាពលរដ្ឋ និងមហាជនទូទៅដែលស្ថិតតាមតំបន់ជាប់ព្រំដែនប្រទេសវៀតណាម កំពុងមានការព្រួយបារម្ភពីហានិភយ័ចំពោះចំណីអាហារដែលឈ្មួញនាំចូលតាមច្រកទ្វារអន្តរជាតិព្រែកចាក ដែលភាគច្រើនគឺទំនិញផ្ទុកទៅដោយសារធាតុគីមីដូចជាបន្លែ ផ្លែឈើ គ្រឿងសមុទ្រមាន ត្រីសាច់ មឹក បង្គា ក្តាម ។ល។ រីឯគ្រឿងសមុទ្រជាងៀតក្រៀម ដូចជាបបែល ងៀត មឹកងៀត និងចំណីអាហារគ្រឿងសមុទ្រជាច្រើនទៀតដែលកន្លងមកមន្ត្រីជំនាញកាំកុងត្រូលធ្លាប់យកទៅធ្វើតេស្តរកសារធាតុគីមី គឺមានផ្ទុកស្ទើរតែទាំងអស់ ចំពោះគ្រឿងងៀតទាំងអស់ដែលនាំចូលមកដាក់តាំងលក់ក្នុងទីផ្សារនៅក្នុងប្រទេសកម្ពុជា។
នេះជាការព្រួយបារម្ភយ៉ាងខ្លាំងពីសំណាក់មហាជនគ្រប់ស្រទាប់ ខណៈមានហានិភ័យកើតឡើងដោយសារការបរិភោគចំណីអាហារដែលមានផ្ទុកសារធាតុគីមី ពិសេសការចរាចរណ៍មុខទំនិញផ្សេងៗឆ្លងចូលមកប្រទេសកម្ពុជា ដោយគ្មានការពិនិត្យត្រឹមត្រូវពីសំណាក់មន្ត្រីជំនាញ។ ជាមួយនឹងការឃ្លាំមើលរបស់ជំនាញពាក់ព័ន្ធនានា ពិសេសកាំកុងត្រូលស្ថិតក្នុងតំបន់ដែលមានភារកិច្ចត្រួតពិនិត្យរាល់ការនាំចូលមុខទំនិញគ្រប់ប្រភេទ មានបន្លែ ត្រី សាច់ជាដើមនោះ ហាក់មានកម្រិតទាបនៅឡើយ។
ហើយកក្តាខាងលើក៏ជាបញ្ហាប្រឈមដ៏ធ្ងន់ធ្ងរពីសុវត្ថិភាពចំណីអាហារ ដែលចាត់ទុកជារឿងយ៉ាងសំខាន់សម្រាប់ទ្រទ្រង់សុខភាពប្រជាពលរដ្ឋផងដែរ។ ដោយមានសភាពដូចខាងលើ នេះទើបមហាជនមានការរិះគន់ថា ការនាំចូលបន្លែ ត្រី សាច់ ឬគ្រឿងសមុទ្រគ្រប់ប្រភេទ ដូចជាបង្គា ក្តាម មឹក មកពីប្រទេសជិតខាងត្រូវបានប្រព្រឹត្តទៅជាប្រចាំ ហើយការនាំចូលនេះក៏ត្រូវការឃ្លាំមើល ឬពិនិត្យហ្មត់ចត់ពីសមត្ថកិច្ចជំនាញទៀតផង ចុះហេតុអ្វីបានជានៅតែមានការដឹកជញ្ជូនមុខទំនិញគ្មានគុណភាពចូលមកប្រទេសកម្ពុជា បានយ៉ាងរលូនបែបនេះ ឬមួយស្ថាប័នខាងលើមានការឃុបឃិតជាមួយអ្នករកស៊ីដឹកបទល្មើសនេះ ឬយ៉ាងណា។ការលើកឡើងខាងលើ បន្ទាប់ពីមានការបង្ក្រាប រថយន្តដឹកមឹក ក្តាម បង្គា ដែលមានចាក់បញ្ចូលសារធាតុគីមី ប្រភេទCMCកាលពីពេលកន្លងមក និងក៏មានការលេចឮពីករណីបន្លែ បង្កាដែលនាំមកពីប្រទេសជិតខាងសុទ្ធតែប្រើដោយសារធាតុគីមីដ៏សម្បើមនោះ។
មហាជនក៏បានរិះគន់ទៀតថា កន្លងមកគេកត់សម្គាល់ឃើញមន្ត្រីកាំកុងត្រូលប្រចាំតំបន់មានភារកិច្ចអង្គុយតែក្នុងស្នាក់ការដោយរង់ចាំតែទទួលប្រាក់សំណូកពីក្រុមអ្នករកស៊ីដឹកទំនិញឆ្លងកាត់ច្រកទ្វារ បើទោះជាអ្នកណាចង់ដឹកទំនិញអ្វីក៏គ្មានឈឺក្បាលវិលមុខដែរ សំខាន់យកតែលុយដាក់ក្រោមតុទៅជាការស្រេចដែលធ្វើតាមទម្លាប់ដឹកតិចបង់តិច ដឹកច្រើនបង់ច្រើន។ ពាក់ព័ន្ធនឹងករណីខាងលើ នៅព្រឹកថ្ងៃទី១០ ខែកក្កដា ឆ្នាំ២០១៧ កោះសន្តិភាពពុំអាចសុំការបកស្រាយពីសំណាក់លោកប្រធានកាំកុងត្រូល ប្រចាំស្នាក់ការច្រកទ្វារអន្តរជាតិព្រែកចាកបានទេ ដោយសារទូរសព្ទ័មិនអាចទាក់ទងបាន៕
ចែករំលែកព័តមាននេះ