ញាក់សាច់! ក្រុមគូប្រជែងក្រុម Ronaldo ត្រៀម៣៥០លានដុល្លារក្នុងមួយឆ្នាំសម្រាប់ Messi
អារ៉ាប៊ីសាអូឌីត ៖ បាល់ទាត់អារ៉ាប៊ីសាអូឌីត ទើបតែបង្កការភ្ញាក់ផ្អើលសម្រាប់ពិភពលោក បន្ទាប់ពី
អារ៉ាប៊ីសាអូឌីត ៖ បាល់ទាត់អារ៉ាប៊ីសាអូឌីត ទើបតែបង្កការភ្ញាក់ផ្អើលសម្រាប់ពិភពលោក បន្ទាប់ពី
អារ៉ាប៊ីសាអូឌីត ៖ បាល់ទាត់អារ៉ាប៊ីសាអូឌីត ទើបតែបង្កការភ្ញាក់ផ្អើលសម្រាប់ពិភពលោក បន្ទាប់ពីការចូលរួមរបស់ខ្សែប្រយុទ្ធ Cristiano Ronaldo ជាមួយក្លិប Al Nassr ប៉ុន្តែទោះយ៉ាងណា ភាពភ្ញាក់ផ្អើលមួយផ្សេងទៀត បានផ្ទុះឡើងជាមួយរបាយការណ៍ជាច្រើនបង្ហាញថា ក្លិប Al Hilal ដែលជាគូប្រជែងដ៏ធំរបស់ Al Nassr បានត្រៀមខ្លួនរួចរាល់ហើយ ក្នុងការផ្តល់ជូនខ្សែប្រយុទ្ធ Lionel Messi នូវកិច្ចព្រមព្រៀង ដែលមានតម្លៃរហូតដល់ ៣៥០លានដុល្លារក្នុងមួយឆ្នាំ ដើម្បីមកប្រកបអាជីពនៅប្រទេសអាស៊ីខាងលិចមួយនេះ។
កំពូលខ្សែប្រយុទ្ធអាហ្សង់ទីន Lionel Messi បច្ចុប្បន្នជាកីឡាករក្លិប Paris Saint Germain ប៉ុន្តែកិច្ចសន្យារបស់គេ នឹងអស់សុពលភាពនៅចុងខែមិថុនា ឆ្នាំ២០២៣ ដែលមានន័យថា អតីតខ្សែប្រយុទ្ធក្រុម Barcelona រូបនេះ នឹងក្លាយជាកីឡាករភ្នាក់ងារឥតគិតថ្លៃ (Free Agent)។
ផ្ទុយពីការអះអាងយ៉ាងទូលំទូលាយកន្លងមក បច្ចុប្បន្ន Messi នៅមិនទាន់យល់ព្រមបន្តកុងត្រាថ្មី នៅក្នុងទឹកដី Parc des Princes នៅឡើយទេ នេះបើយោងតាមប្រភពពីសារព័ត៌មានបារាំង L’Equipe បានចេញផ្សាយ ដែលបានផ្តល់ក្តីសង្ឃឹមដល់ភាគីផ្សេងទៀត ដូចជា Inter Miami នៅសហរដ្ឋអាមេរិក និងអតីតក្លិបចាស់របស់គេ FC Barcelona នៅអេស្ប៉ាញ។
យ៉ាងណាមិញ ជាមួយនឹងឱកាសមាសមួយនេះ ក្លិប Al Hilal នៅលីគកំពូលអារ៉ាប៊ីសាអូឌីត ក៏កំពុងសម្លឹងរកមើលការឆក់យកម្ចាស់មេដាយមាសព្រឹត្តិការណ៍ World Cup 2022 វ័យ៣៥ឆ្នាំរូបនេះផងដែរ។ យោងតាមសារព័ត៌មាន Mundo Deportivo ដែលបានរាយការណ៍កាលពីថ្ងៃទី១២ ខែមករា ថា Al Hilal បានត្រៀមខ្លួនរួចជាស្រេចក្នុងការផ្តល់ជូនម្ចាស់ពានរង្វាន់ Ballon d’or ៧សម័យរូបនេះ នូវទឹកប្រាក់ដ៏មហាសាល ៣៥០លានដុល្លារក្នុងមួយឆ្នាំ ដែលច្រើនជាអ្វីដែល Ronaldo ទទួលបានពីក្លិប Al Nassr ដែលគូប្រជែង។
កំពូលខ្សែប្រយុទ្ធព័រទុយហ្គាល់ Cristiano Ronaldo បានចូលរួមជាមួយនឹងក្លិប Al Nassr ដែលជាគូប្រជែងដ៏ធំរបស់ Al Hilal កាលពីថ្ងៃទី៣០ ខែធ្នូ ឆ្នាំ២០២២ ជាមួយក្នុងត្រារយៈពេល២ឆ្នាំកន្លះ ដោយទទួលបានថ្លៃនឿយហត់ ២១០លានដុល្លារក្នុងមួយឆ្នាំ ដើម្បីក្លាយជាកីឡាករមានថ្លៃនឿយហត់ខ្ពស់បំផុតលើពិភពលោក។
បច្ចុប្បន្នអារ៉ាប៊ីសាអូឌីត កំពុងរៀបចំការដេញថ្លៃដើម្បីធ្វើជាម្ចាស់ផ្ទះព្រឹត្តិការណ៍ FIFA World Cup 2030 រួមជាមួយប្រទេសក្រិក និងអេហ្ស៊ីប ហើយការមានកីឡាករបាល់ទាត់ដ៏អស្ចារ្យបំផុតទាំង២រូបខាងលើ ដែលដើរតួយ៉ាងសំខាន់សម្រាប់លីគកំពូលក្នុងស្រុក នឹងផ្តល់ផលវិជ្ជមានក្នុងដំណើរការនៃការដេញថ្លៃព្រឹត្តិការណ៍បាល់ទាត់ធំបំផុតរបស់ពិភពលោកមួយនេះ៕ (ដកស្រង់ពីទស្សនាវដ្តី Forbes)
ចែករំលែកព័តមាននេះ