រាជធានីភ្នំពេញ ៖ សេចក្តីស្នើវិសោនច្បាប់ស្តីពីគណបក្សនយោបាយ ត្រូវបានសមាជិកសភា មកគណបក្សប្រជាជនកម្ពុជាលើដៃអនុម័តជាឯកឆន្ទដោយសម្លេង៦៦ នៃចំនួនសមាជិកសភាទាំងមូល ដោយគ្មានការចូលរួមពីសមាជិកសភាគណបក្សសង្គ្រោះជាតិឡើយ ។
សេចក្តីស្នើសុំវិសោធនកម្មច្បាប់គណបក្សនយោបាយ ត្រូវរដ្ឋសភាយកមកពិភាក្សា និងអនុម័តនៅព្រឹកថ្ងៃទី១០ ខែកក្កដា ក្រោមអធិបតីភាពសម្តេចហេង សំរិន ប្រធានរដ្ឋសភា ដោយមានសមាជិកសភាចូលរួមសរុបចំនួន ៦៦ រូបក្នុងចំណោមសមាជិកទាំងមូល ដោយសម្តេចនាយករដ្ឋមន្ត្រី ហ៊ុន សែន និងលោកជំទាវ មែន សំអន អវត្តមាន។ សេចក្តីស្នើវិសោធនកម្មច្បាប់នេះ ត្រូវបានតំណាងរាស្ត្រចំនួន៤១រូប បានចុះហត្ថលេខាប្រគល់មករដ្ឋសភានៅថ្ងៃទី៦ កក្កដា ឆ្នាំ២០១៧ ។
មាត្រា៦ថ្មី(ពីរ)នៃសេចក្តីស្នើវិសោធនកម្មច្បាប់ស្តីពីគណបក្សនយោបាយ បានបន្ថែមមានបីចំណុចដូចជា ៖ ចំណុចទី៦ ចែងថា
«ប្រើប្រាស់សារជាសម្លេងរូបភាព ឯកសារជាលាយលក្ខណអក្សរ ឬសកម្មភាពរសប់ទណ្ឌិតរបស់ជាប់ទោសពីបទឧក្រិដ្ឋឬពីបទមជ្ឈិមឱ្យធ្វើសកម្មភាពណាមួយដើម្បីជាផលប្រយោជន៍នយោបាយសម្រាប់គណបក្សរបស់ខ្លួន» ។
លោកហ៊ុន ម៉ានី សមាជិកសភាគណបក្សប្រជាជនកម្ពុជា បានប្រកាសគាំទ្រចំពោះសេចក្តីស្នើរវិសោធនកម្មច្បាប់គណបក្សនយោបាយនេះ ។
លោក ហ៊ុន ម៉ានី បានគូសបញ្ជាក់ថា៖ «ប្រសិនបើមានសំដី ឬទង្វើមួយចំនួនដែលអាចប៉ះពាល់ដល់ផលប្រយោជន៍ប្រទេសជាតិ ឬក៏សន្តិសុខប្រទេសជាតិយើងគួរពិចារណា ។ មិនរបស់បុគ្គលទេ តែយើងគួរវាយតម្លៃឲ្យបានច្បាស់» ។
ទាក់ទិននឹងការសេចក្តីវិសោធនកម្មច្បាប់ស្តីពីគណបក្សនយោបាយនេះដែរ គណបក្សប្រឆាំងបានចេញសេចក្តីថ្លែងការណ៍ប្រកាសជំហរពិការមិនចូលរួមសម័យប្រជុំនៅថ្ងៃទី១០ កក្កដា ឆ្នាំ២០១៧ ដោយចោទប្រកាន់ថា «វាមានចរិតនយោបាយ» និងប្រកាសមិនគាំទ្រ ។
សេចក្តីថ្លែងការបញ្ជាក់ថា «វិសោធនកម្មច្បាប់ស្តីពីគណបក្សនយោបាយ និងច្បាប់ស្តីពីវិសោធនកម្ម ច្បាប់ស្តីពីគណបក្សនយោបាយ ដោយមូលលហេតុដូចជា ៖ សេចក្តីស្នើច្បាប់នេះ មានចរិតនយោបាយ គាបសង្កត់ទៅលើសិទ្ធិបុគ្គល និងគាបសង្កត់មកលើគណបក្សនយោបាយ ក្នុងន័យកម្ចាត់ខ្មែរគ្នាឯង និងគាបសង្កត់ប្រជែងនយោបាយតែប៉ុណ្ណោះ ។ សេចក្តីស្នើច្បាប់នេះ មិនស្របតាមគោលការណ៍នីតិរដ្ឋ ហើយផ្ទុយពីគោលការណ៍ប្រជាធិបតេយ្យសេរីពហុបក្សដែលធានាដោយរដ្ឋធម្មនុញ្ញនៃព្រះរាជាណាចក្រកម្ពុជា» ។
សូមជម្រាបថា នៅពេលរដ្ឋសភាអនុម័តសេចក្តីស្នើវិសោធនកម្មច្បាប់គណបក្សនយោបាយនេះ គណបក្សសង្គ្រោះជាតិ និងលោកសម រង្ស៊ី និងមិនមានការពាក់ព័ន្ធគ្នាទៀតទេ រួមទាំងរូបលោកសម រង្ស៊ី និងលែងមាននៅក្នុងស្លាកសញ្ញាគណបក្សសង្គ្រោះជាតិទៀតហើយ ។
ចែករំលែកព័តមាននេះ