តើអ្នកហាត់ប្រាណជារៀងរាល់ថ្ងៃបន្ទាប់ពីចេញពីធ្វើការ ប៉ុន្តែនៅតែឡើងទម្ងន់មែនទេ? ការឡើងទម្ងន់របស់អ្នកអាចដោយសារតែសកម្មភាពមួយចំនួនដែលអ្នកបានធ្វើនៅកន្លែងធ្វើការ ។
ខាងក្រោមនេះ គឺជារឿងមួយចំនួនដែលធ្វើឱ្យអ្នកឡើងទម្ងន់នៅកន្លែងធ្វើការ ៖
តើអ្នកហាត់ប្រាណជារៀងរាល់ថ្ងៃបន្ទាប់ពីចេញពីធ្វើការ ប៉ុន្តែនៅតែឡើងទម្ងន់មែនទេ? ការឡើងទម្ងន់របស់អ្នកអាចដោយសារតែសកម្មភាពមួយចំនួនដែលអ្នកបានធ្វើនៅកន្លែងធ្វើការ ។
ខាងក្រោមនេះ គឺជារឿងមួយចំនួនដែលធ្វើឱ្យអ្នកឡើងទម្ងន់នៅកន្លែងធ្វើការ ៖
១-អ្នកញ៉ាំស្ករគ្រាប់តិចតួចរាល់ថ្ងៃ
ស្ករសូកូឡា ឬស្ករគ្រាប់បន្តិចបន្តួចប្រហែលជាមិនមែនជាបញ្ហាសម្រាប់អ្នកទេ ប៉ុន្តែបរិមាណស្ករគ្រាប់តិចតួចទាំងនេះអាចបន្ថែមចំនួនកាឡូរីដែលអ្នកទទួលទានក្នុងមួយថ្ងៃ ។ បើទោះបីជាអ្នកញ៉ាំស្ករគ្រាប់តិចតួចរៀងរាល់ថ្ងៃ អ្នកនឹងកើន ១០០កាឡូរីក្នុង១សប្តាហ៍ ។
២-អ្នករំលងអាហារពេលព្រឹកដើម្បីឆាប់ទៅដល់កន្លែងធ្វើការ
ការទៅដល់កន្លែងធ្វើការទាន់ពេល អាចធ្វើឲ្យអ្នកសម្រេចការងារបានទាន់ពេលពិតមែន ប៉ុន្តែការមិនបរិភោគអាហារពេលព្រឹកធ្វើឲ្យអ្នកបាត់បង់ថាមពលពេលព្រឹក បន្ទាប់មកវានឹងធ្វើឲ្យអ្នកឃ្លានអាហារសម្រន់ដែលសម្បូរទៅដោយជាតិខ្លាញ់ និងជាតិកាបូអីុដ្រាត ។ ដូច្នេះសូមកុំភ្លេចបរិភោគអាហារពេលព្រឹក ។
៣-ទទួលទានកាហ្វេច្រើនពេក
ការមានម៉ាស៊ីនឆុងកាហ្វេនៅកន្លែងធ្វើការនឹងធ្វើឲ្យអ្នកចង់ទទួលទានកាហ្វេ ភ្លាមៗនៅពេលដែលអ្នកមានអារម្មណ៍ថាឃ្លាន ។ ដើម្បីបន្ថយចំនួនកាឡូរី រឿងដែលល្អបំផុតដែលអ្នកអាចធ្វើបានគឺកំណត់ការទទួលទានកាហ្វេត្រឹមតែ ២ ពែងក្នុង១ថ្ងៃ ។
៤-មិនមានអាហារដែលល្អចំពោះសុខភាពនៅលើតុ
អ្នកនឹងមានអារម្មណ៍ថាឃ្លាននៅពេលល្ងាច ប៉ុន្តែនៅពេលដែលក្រពះរបស់អ្នកទាមទារអាហារ វាអាចនឹងធ្វើឲ្យអ្នកងាយក្នុងការទទួលអាហារសម្រន់ដែលមិនល្អចំពោះសុខភាព ។ សូមរក្សាទុកអាហារដែលល្អចំពោះសុខភាពដូចជាផ្លែឈើក្រៀម នំស្រូវសាលីសុទ្ធ ឬលាយផ្លែឈើនៅកន្លែងធ្វើការរបស់អ្នក ៕
ចែករំលែកព័តមាននេះ