ខេត្ដបន្ទាយមានជ័យ ៖ យុវតីម្នាក់បានធ្វើអត្ដឃាតសំលាប់ខ្លួនទាំងវ័យក្មេង គឺលេបថ្នាំសំលាប់សត្វកណ្ដៀរ កាលពីនៅវេលាម៉ោង៩យប់ថ្ងៃទី២៧ មេសា ឆ្នាំ២០១០ នៅភូមិកំពង់ក្រសាំង ឃុំភ្នំលៀប ស្រុកព្រះនេត្រព្រះ ។ លោកអនុសេនីយ៍ឯក កែវ ប៊ុនយឿន អធិការនគរបាលស្រុកព្រះនេត្រព្រះបានឱ្យដឹងថា នារីរងគ្រោះឈ្មោះនឿម ជួន អាយុ២២ឆ្នាំ នៅភូមិកើតហេតុខាងលើ ។
ខេត្ដបន្ទាយមានជ័យ ៖ យុវតីម្នាក់បានធ្វើអត្ដឃាតសំលាប់ខ្លួនទាំងវ័យក្មេង គឺលេបថ្នាំសំលាប់សត្វកណ្ដៀរ កាលពីនៅវេលាម៉ោង៩យប់ថ្ងៃទី២៧ មេសា ឆ្នាំ២០១០ នៅភូមិកំពង់ក្រសាំង ឃុំភ្នំលៀប ស្រុកព្រះនេត្រព្រះ ។ លោកអនុសេនីយ៍ឯក កែវ ប៊ុនយឿន អធិការនគរបាលស្រុកព្រះនេត្រព្រះបានឱ្យដឹងថា នារីរងគ្រោះឈ្មោះនឿម ជួន អាយុ២២ឆ្នាំ នៅភូមិកើតហេតុខាងលើ ។ មុនពេលកើតហេតុនារីរងគ្រោះបានយក សំលៀកបំពាក់របស់បងស្រីមកពាក់ ដើម្បីដើរលេងនៅវត្ដស្រះឈូក ក្នុងភូមិដូនឡឹក ឃុំសំបួរ ស្រុកមង្គលបុរី ពេលស្លៀករួច បងស្រីឃើញក៏ស្ដីឱ្យថា “ស្លៀកតែរបស់អញរបស់វាមិនស្លៀក” ពេលនោះមានទំនាស់សំដីគ្នាបន្ដិចបន្ដួចធ្វើឱ្យឪពុកម្ដាយស្ដីបន្ទោសថា “ពួកវាឈ្លោះតែគ្នា” ។ ស្ងាត់បន្ដិចយុវតីរូបនេះក៏ដើរចូលទៅក្នុងបន្ទប់ដេកមួយសន្ទុះ ក្រោយមកស្រាប់តែឮសូរប្រកាច់ ពេលឪពុកម្ដាយបងប្អូនស្ទុះទៅមើលឃើញបែកពពុះ មាត់ស្កុលក្រឡេកមើលជិតខ្លួនឃើញថ្នាំសំលាប់សត្វកណ្ដៀរនៅក្បែរខ្លួននាង ក៏បាននាំគ្នាព្យាយាមដឹកទៅកាន់មន្ទីរពេទ្យបង្អែក មិត្ដភាពកម្ពុជា-ជប៉ុន នៅស្រុកមង្គលបុរី ភ្លាមៗផងដែរ តែអកុសលដោយនាងផឹកថ្នាំ អស់ច្រើនពេក ក៏ដាច់ខ្យល់ស្លាប់បាត់បង់ជីវិត នៅតាមផ្លូវក្នុងភូមិសាស្ដ្រឃុំសំបួរតែម្ដង ។
លោកអនុសេនីយ៍ឯក កែវ ប៊ុនយឿន បានបញ្ជាក់ថា តាមការបំភ្លឺពីក្រុមគ្រួសារនិយាយប្រាប់សមត្ថកិច្ច មុនលេបថ្នាំសំលាប់ខ្លួន នារីរងគ្រោះមានទំនាស់សំដីគ្នាជាមួយបងស្រីរបស់នាងបន្ដិចបន្ដួចពីរឿងខោអាវ ។ ពេលឪពុកម្ដាយស្ដីឱ្យនាងក៏តូចចិត្ដលេបថ្នាំសំលាប់ខ្លួនតែម្ដង ។ សពនារីរងគ្រោះត្រូវបានក្រុមគ្រួសារដឹកត្រឡប់ទៅលំនៅឋានវិញ ហើយរៀបចំធ្វើបុណ្យតាមប្រពៃណី ៕
ចែករំលែកព័តមាននេះ