ខេត្តបន្ទាយមានជ័យ ៖ សេចក្តីរាយការណ៍ឱ្យដឹងថា អាជីវករនៅផ្សាររ៉ា ស្ថិតក្នុងភូមិប៉ោយប៉ែត សង្កាត់ប៉ោយប៉ែត ជាច្រើននាក់បានលើកបដាតវ៉ានៅមុខផ្សារ និងក្នុងផ្សារដោយចោទថា ម្ចាស់ផ្សារដំឡើងថ្លៃអាណត្តិថ្មីខ្ពស់ហួសហេតុ ដែលឱ្យឱ្យពួកគាត់មិនអាចទទួលយកបានទេ ដែលការតវ៉ានេះកើតឡើង នៅព្រឹកថ្ងៃទី១០ កក្កដា នេះ ។
ខេត្តបន្ទាយមានជ័យ ៖ សេចក្តីរាយការណ៍ឱ្យដឹងថា អាជីវករនៅផ្សាររ៉ា ស្ថិតក្នុងភូមិប៉ោយប៉ែត សង្កាត់ប៉ោយប៉ែត ជាច្រើននាក់បានលើកបដាតវ៉ានៅមុខផ្សារ និងក្នុងផ្សារដោយចោទថា ម្ចាស់ផ្សារដំឡើងថ្លៃអាណត្តិថ្មីខ្ពស់ហួសហេតុ ដែលឱ្យឱ្យពួកគាត់មិនអាចទទួលយកបានទេ ដែលការតវ៉ានេះកើតឡើង នៅព្រឹកថ្ងៃទី១០ កក្កដា នេះ ។
សេចក្តីរាយការណ៍បន្តថា ក្រុមអាជីវករលក់ទំនិញផ្សេងៗនិយាយថា អាណត្តិមុន៥ឆ្នាំ តម្លៃ២ម៉ឺនបាត គិតជាប្រាក់ខ្មែរជាង២លានរៀល ឬស្មើនិង700$អាមេរិក ។ ប៉ុន្តែលុះអាណត្តិជិតចូលមកដល់ម្ចាស់ផ្សារ បែរជាដំឡើងមួយអាណត្តិ(5ឆ្នាំ)1200$ ។ ចំណែកអាជីវករលក់បន្លែត្រីសាច់អះអាងថា តូបពួកគាត់១អាណត្តិ 5000បាត(ប្រាំពាន់បាត) ពីមុនអាណត្តិថ្មីនេះ ម្ចាស់ផ្សារគ្រោងយក១តូប២ម៉ឺនបាត ។ ពួកគេថា អាណត្តិថ្មីដែលចាប់ផ្តើមនៅដើមខែក្រោយ នេះម្ចាស់ផ្សារមិនរក្សាតម្លៃដើម ពួកគាត់និងតវ៉ារហូតដល់សាលាក្រុង ឬសាលាខេត្ត ឬអាចដល់ភ្នំពេញ ដើម្បីឲ្យប្រមុខរាជរដ្ឋាភិបាលជួយ ។
ជុំវិញរណីខាងលើ ម្ចាស់ផ្សារទាំងប្តីប្រពន្ធមិនព្រមចេញមុខធ្វើការបកស្រាយជូនអាជីវករទេ បើទោះជាពួកគាត់លើកគ្នាទៅដល់មុខបន្ទប់ការិយាល័យរបស់ផ្សារនោះ ក៏ដោយ ។ ផ្ទុយទៅវិញ បុរសឈ្មោះទិត្យ ឡេក ជាម្ចាស់ផ្សារបានចេញមកនិយាយបន្តិចបន្តួចដោយប្រាប់ក្រុមអាជីវករថា តវ៉ាទៅសាលាក្រុងប៉ោយប៉ែតទៅហើយនិយាយថា ម៉េចចង់លក់ក្នុងផ្សារនេះទទេឬ? ។
ជួបសម្ភាសន៍ផ្ទាល់ម្ចាស់ផ្សារអះអាថថា ការពិតគាត់មិនបានដំឡើងតម្លៃតូបទេ គឺអាណត្តិមុនក្នុង១តូបតម្លៃ2500$ ហើយថាអាណត្តិថ្មីនេះ គាត់បញ្ចុះនៅត្រឹម1200$ ។ គាត់ថា សម្រាប់អ្នកមានប្រាក់បងគ្រប់១អាណត្តិ2500$ គាត់មិនបានតម្រូវឲ្យបង់រំលស់ ឬបង់ជាខែ1ខែ10ម៉ឺនរៀលឡើយ ។ ក្រុមអាជីវករលើកឡើងថា ដំបូងឡើយមានតែបាតតូប លុះពួកគាត់ខំកសាងជញ្ជាំងឬបង្អួច ពេលគិតថា បើអាណត្តិថ្មីម្ចាស់ផ្សារដំឡើងថ្លៃពួកគាត់នឹងឈប់លក់តែចង់រើសយកជញ្ជាំង ឬបង្អួចតូចវិញ ត្រូវម្ចាស់ផ្សារ
បដិសេធមិនឲ្យរុះរើនោះទេ។
មកទល់នឹងវេលាម៉ោង១០ព្រឹកថ្ងៃដដែល ករណីតវ៉ានៅតែបន្ត ប៉ុន្តែមិនបានរំខានដល់អាជ្ញាធរ ឬសមត្ថកិច្ចឡើយ ហើយក៏មិនទាន់ឃើញវត្តមានអាជ្ញាធរ ឬសមត្ថកិច្ចមកដល់កន្លែងកើតហេតុនោះដែរ ។
ចែករំលែកព័តមាននេះ